Malaci 3:7 - Sră Goh 2018

⁷ Bulah bơh di tŭ ală ngai ală ồng pàng bol mê dê tus di tŭ do, bol mê neh wèt sang ală bơta sồr lam Añ jê mơ ò prap gàr ală bơta hơ̆. Rê wơl tĕ mơ Añ gen Añ rơp rê wơl mơ bol mê,” Yàng Jehôwa Gơnap Gơnoar Dờng Làm Jơh đơs behơ̆. Mơya bol mê lùp lah: “Mbe bol hi rơp rê wơl taih?”

Malaci 3:7 Mawu Ofanana

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Esai 65:2

Añ neh pò tê Añ jê jơh ngai mho wèt mơ dô nơm làng bol jak tòmdră, la ală cau lòt tòm ală gùng ò niam, jat nùs kơlôi sơnơng is bol khai dê,

Jeremi 16:11

Gen đơs tĕ mơ bol khai lah: Yàng Jehôwa đơs: ‘Hơ̆ la tài bơh ồng pàng bol mê dê neh sang lòi Añ, lòt jat ală yàng ndai, nàng duh broă mơ duh khoai ală yàng hơ̆, mơ neh sang lòi Añ ò prap gàr bơta boh lam Añ jê.

Jeremi 16:12

Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Jeremi 3:22

“Ơ kòn sau pơrlơ̆ dră, rê wơl tĕ! Añ rơp sơm bơta ò dòn song bol mê dê.” Bol mê đơs lah: “Do, bol hi rê wơl mơ Kơnràñ, Bơh Kơnràñ la Jehôwa Yàng Tom Trồ bol hi dê.

Jeremi 7:25

Bơh ngai ồng pàng bol mê dê lik bơh lơgar Ejiptơ jơl tus di ngai do, Añ neh kong sồr ală cau duh broă Añ jê la ală cau gơnoar hwơr, lòt tus mơ bol khai; kòp ngai Añ guh gòñ sồr bol khai tus.

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Ejekiel 2:3

Kơnràñ đơs lah: “Ơ kòn mơnus, Añ sồr mê lòt tus hơ làng bol Israel, tus hơ dô nơm làng bol jak tòmdră neh tòmdră di Añ; bol khai bal mơ ồng pàng bol khai dê neh tìs glài tòmdră mơ Añ jơl tus ngai do.

Ejekiel 20:13

Mơya hìu Israel tòmdră mơ Añ tòm ƀlàng ngềt ngơt; bol khai ò lơh jat jơnau sồr Añ jê, mơya sang lòi ală bơta sồr lam Añ jê, bulah cau lơi lơh jat gen rơp geh kis bơh gơ, mơ bol khai neh sền òsơp oă ngan di ală ngai Saƀat Añ jê. Behơ̆ Añ neh kơlôi Añ rơp tuh bơta gơjrañ dờng Añ jê hơđang bol khai tòm ƀlàng ngềt ngơt, nàng tơnroh bol khai.

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 20:8

Mơya bol khai tòmdră mơ Añ, ò bài iat jơnau Añ; kung ò sang lòi ală rùp ràk Ejiptơ dê. Behơ̆ Añ đơs lah Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm lơgar Ejiptơ.

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Sacari 1:3

Gen tàng đơs tĕ mơ bol khai lah, Yàng Jehôwa Gơnap Gơnoar Dờng Làm Jơh đơs be do: ‘Rê wơl tĕ hơ Añ.’ Yàng Jehôwa Gơnap Gơnoar Dờng Làm Jơh đơs: ‘Gen Añ rơp rê wơl hơ bol mê.’ Yàng Jehôwa Gơnap Gơnoar Dờng Làm Jơh đơs behơ̆.

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 3:13

Yàng Jehôwa đơs lah: “Bol mê neh đơs ală bơta ò niam tòmdră mơ Añ. Mơya bol mê lùp lah: ‘Ñchi bơta bol hi neh đơs tòmdră mơ Kơnràñ taih?’

Mathiơ 23:27

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê be bơtô ƀồc pih cùr bò, đah bơdìh hàng mơnĕ, mơya tòm dơlam bềng ntìng cau chơt mơ jơh ală bơta ƀơ̆ ƀơl.

Luka 15:16

Khai kòñ ngan ai ngkàr khoah cau siam sur nàng sa tồ bềng kơndul, mơya cau ò ai khai in sa.

Rôma 10:21

Mơya bơh làng bol Israel gen khai đơs lah: “Añ neh pò tê ngai mho gơwèt hơ làng bol ò dòn bơr mơ jak pơndang.”

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

Rôma 7:9

Lài òr añ ò gơs bơta boh lam, mơ añ kis; mơya dơ̆ bơta sồr lam tus, gen tồi glài kis wơl, ai añ gen chơt;

Yal Wơl 31:20

Tòm tŭ Añ neh cèng bol khai mut tòm lơgar bềng lìu dà toh mơ dà lơwe, la lơgar Añ neh ho mơ srat să mơ ală ồng pàng bol khai dê, mơ tòm tŭ bol khai neh sa hòm mơ lơmă rau, gen bol khai wèt mat hơ ală yàng ndai mơ duh khoai bol gơ, sền òsơp dê Añ mơ sang lòi bơta ho bal Añ jê.

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.