Malaci 3:3 - Sră Goh 2018

³ Bơh Kơnràñ rơp nggui kung be cau chài tŏ tiar goh hala kung be cau chài tŏ priă. Kơnràñ rơp lơh goh ală cau Lebi, lơh bol khai in goh kung be màh mơ priă, jơl tus di tŭ bol khai ơn Yàng Jehôwa in phan ơn tòm bơta song ring,

Malaci 3:3 Mawu Ofanana

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Đơs Crih 4:5

Ơn tĕ bơta song ring lơh gơs phan ơn duh khoai, Mơ ơn nùs dòn kơnòm dê Yàng Jehôwa.

Đơs Crih 4:6

Gơs oă cau đơs lah: “Ñcau rơp ai bol he in gŏ bơta lơngai taih? Ơ Yàng Jehôwa, dan bơta àng mat Kơnràñ dê sòl hơđang bol hi.”

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Đơs Crih 50:23

Cau lơi ai bơta ưnngài lơh gơs phan ơn duh khoai la dòn duh Añ; Ai cau lơi lòt jat gùng song, Añ rơp sơnio khai in bơta dong klàs Yàng Tom Trồ dê.

Đơs Crih 51:19

Gen Yàng rơp niam nùs bơh ală phan ơn duh khoai dô bă di pal, Phan ơn chu mơ jơh ală phan ơn chu pơrguc; Gen cau rơp ơn kơnrồ dam hơđang cơnòng duh khoai Yàng dê.

Đơs Crih 66:10

Ơ Yàng Tom Trồ, Kơnràñ neh lòng bol hi, Tŏ tiar bol hi kung be cau tŏ tiar priă.

Jơnau Pơnđik 17:3

Glah lòs ngui nàng tŏ tiar priă, bơnhă lòs ngui nàng tŏ tiar màh; Mơya Yàng Jehôwa lòng nùs kòn mơnus dê.

Jơnau Pơnđik 25:4

Tă tĕ è bơh di priă, gen cau chài lơh priă geh dô nơm phan ngui;

Esai 1:25

Añ rơp tơrwơl tê tòmdră mơ ai, Añ rơp tŏ tiar mơ lơh ai in gơs goh bơh di jơh ală bơta kung be è lòs, mơ tă sang jơh ală bơta ƀơ̆ ƀơl ai dê.

Esai 48:10

Do, Añ neh tŏ tiar bol mê, mơya ò di be tŏ tiar priă; Añ neh lòng bol mê tòm bơnhă ồs bơta rung rài bòl glar.

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Jeremi 9:7

Gen tàng Yàng Jehôwa Gơnap Gơnoar đơs be do: “Añ rơp tiar mơ lòng bol khai; Ñchi Añ pal lơh tai gơwèt mơ tồi glài làng bol Añ jê taih?

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Daniel 11:35

Tòm ală cau jak chài rơp gơs dô êt cau tìs nrah bơh hơ̆ tồ bol khai in geh lòng tiar, geh lơh gơs sàng goh mơ rào goh tơngai lồi dut in, tài bơh pal ơm gơn jơl tus di tơngai lơh nền.

Daniel 12:10

Oă cau rơp geh lơh gơs sàng goh, geh lơh gơs wil tơl ò tềl ƀơ̆, mơ geh lòng tiar, mơya ală cau iơh rơp kư̆ lơh iơh. Ò gơs cau iơh lơi rơp git wă mơya ală cau jak chài rơp git wă.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Khà Làng Bol 8:6

“Ơn is tĕ ală cau Lebi bơh digùl ală cau Israel ndai mơ lơh bol khai in gơs goh jat bơta sồr lam duh khoai dê.

Luka 3:16

gen Jang ho mơ tơl nă cau lah: “Añ lơh ƀaptem bol mê in mơ dà, mơya gơs dô Bơtau rơp tus gơs gơnoar pràn rlau mơ añ, añ ò pal hồ che gơltau jă Kơnràñ dê; Kơnàñ rơp lơh ƀaptem bol mê in mơ Yàng Hwềng Goh mơ ồs.

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

Philip 2:17

Bulah añ pal kong tuh tơlik be phan pơdơng ñô rsìh hơđang phan ơn duh khoai mơ phan ơn bơta dòn ală oh mi dê, gen añ kung hừh nùs mơ hòn chò bal mơ jơh ală oh mi sơl.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

II Timôthe 4:6

Bơh añ neh kòl tuh tơlik be phan pơdơng rau, mơ ngai sang rài añ jê mòr rềp rau.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 12:10

Bơh bèp đah poac să jat nùs bol khai dê mơ lơh glài tơmàl bol he dô êt jŏ; mơya Bèp đah hwềng soàn lơh glài tơmàl nàng gơs kwơ màng bol he in, tồ bol he in geh pơnah bal tòm bơta sàng goh Kơnràñ dê.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 1:6

mơ lơh bol he in gơlik gơs lơgar cau bơtau dê, mơ cau gơnoar ơn phan duh khoai Yàng Tom Trồ in la Bèp Kơnràñ dê. Dan bơta gơklŏ mơ gơnoar pràn gơrê bal mơ Yàng Jesu Krist sùm sùm ò lồi. Amen.

Yal Tơlik 3:18

Behơ̆ Añ bơto tơngkah mê rwat tĕ màh Añ jê neh ryă tòm ồs, tồ mê in gơlik gơs pas sơm; rwat ală ào bò, tồ mê in soh nàng jơm ndơp bơta ƀàssìl bơh bơta ơm kuh lòi rồ mê dê; mơ rwat sơnơm nàng bong di mat tồ mê gŏ.

Yal Tơlik 5:10

Mơ Kơnràñ neh lơh ală cau hơ̆ in gơlik gơs lơgar bơtau dê mơ cau gơnoar ơn phan duh khoai Yàng Tom Trồ bol he dê; mơ bol khai rơp at bồ tòm plai ù.”