Malaci 3:16 - Sră Goh 2018

¹⁶ Tòm tŭ ală cau duh rngòt di Yàng Jehôwa tòmbơhbơr bal gen Yàng Jehôwa ơm iat mơ kơno. Dô pồt sră cih prap wơl neh geh cih di đap Kơnràñ bơh ală cau duh rngòt Yàng Jehôwa mơ duh rngòt di sơnđan Kơnràñ dê.

Malaci 3:16 Mawu Ofanana

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

II Samuel 7:1

Tòm tŭ bơtau Dabit neh ơm tòm gơlang khai dê rau, mơ Yàng Jehôwa neh ai khai in ơm rlô lơngai bơh di jơh ală cau sò tơm gùt dar khai,

I Ală Bơtau 18:12

Tòm tŭ añ lòt bơh di ồng, rơp gơs hwềng Yàng Jehôwa dê cèng ồng lòt tiah lơi añ ò git; behơ̆, tòm tŭ añ tus yal Ahap in, mơ khai ò gŏ ồng, khai rơp tơnchơt añ. Bulah, añ la dĭ gơna ồng dê duh rngòt di Yàng Jehôwa bơh tŭ gam pơnu.

I Ală Bơtau 18:3

Ahap sồr hòi Apdia, la kwang at bồ gơlang bơtau dê. (Apdia duh rngòt ngan di Yàng Jehôwa.

II Yal Yau 6:7

Bèp añ, Dabit neh gơs nùs kòñ bơt dô nơm hìu Sơnđan Yàng Jehôwa in, la Yàng Tom Trồ Israel dê.

Nehemi 1:11

Ơ Yàng Jehôwa, dan iat jơnau hòi dan dĭ gơna Kơnràñ dê mơ jơnau hòi dan ală cau hòn chò duh rngòt di sơnđan Kơnràñ. Dan ai bơta bơtoah bơtoài cau duh broă Kơnràñ in tòm ngai do, mơ ai cau bơtau in gơs nùs nđàc sơngit di đap añ do.” Mơ tai, tŭ hơ̆ añ la cau yò ñô bơtau in.

Este 2:23

Tòm tŭ cau sền sơwì bơh bơta hơ̆ mơ git bơta hơ̆ la ngan, gen bàr nă cau kwang hơ̆ kòl yồng ngko di chi yồng cau glài. Jơh ală bơta hơ̆ geh cih tòm sră yal yau kòp nam di đap mat cau bơtau dê.

Este 6:1

Tòm mang hơ̆ cau bơtau ò rgơi bic; behơ̆ khai ai jơnau gơnoar sồr cau cèng tus sră cih yal yau kòp nam mơ cau sền bơtau in iat.

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

Đơs Crih 104:33

Dilah añ kis jŏ kàr lơi, gen añ rơp đơs chò Yàng Jehôwa in kàr hơ̆; Dilah añ gam kàr lơi, gen añ rơp đơs chò jòng ro Yàng Tom Trồ añ jê kàr hơ̆ sơl.

Đơs Crih 111:10

Bơta duh rngòt di Yàng Jehôwa la tòm ryas bơta jak chài dê; Cau lơi lơh jat bơta hơ̆ gen geh bơta git jak. Bơta jòng ro Kơnràñ dê gam sùm sùm!

Đơs Crih 115:13

Kơnràñ rơp ai lơngai lơngò ală cau lơi in duh rngòt di Yàng Jehôwa, Cau dềt hala cau dờng kung behơ̆ sơl.

Đơs Crih 119:63

Añ lơh bơyô mơ jơh ală cau duh rngòt di Yàng, La cau prap gàr ală jơnau sồr Kơnràñ dê.

Đơs Crih 139:4

Tian gơs lơmpiat añ òhềt đơs dô jơnau, Ơ Yàng Jehôwa, Kơnràñ neh git tơl jơh rau.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 16:3

Ai ală cau sàng goh tòm ù tiah, bol khai la cau dờng màng; Añ gơs bơta hừh nùs dê bol khai.

Đơs Crih 20:7

Cau do kơnòm di rơndeh, cau ndai kơnòm di ơseh; Mơya bol hi kơnòm di sơnđan Yàng Jehôwa, la Yàng Tom Trồ bol hi dê.

Đơs Crih 33:18

Ne, mat Yàng Jehôwa dê sền di cau duh rngòt di Kơnràñ, Mơ sền di cau gơn kơnòm di bơta kòñ gơboh Kơnràñ dê,

Đơs Crih 34:15

Mat Yàng Jehôwa dê wèt sền cau song ring, Tồr Kơnràñ dê kơno jơnau hòi dan bol khai dê.

Đơs Crih 56:8

Yàng neh kòp ală cơnđòa añ jê; Dan ơn dà mat añ jê tòm gri Kơnràñ dê! Dà mat añ jê ò di neh geh cih tòm sră Kơnràñ dê ò ơ?

Đơs Crih 56:9

Ngai lơi añ hòi dan, ală cau sò tơm di añ rơp kong tơnruc wơl. Dô bơta añ git, hơ̆ la Yàng Tom Trồ ơm dô đah bal mơ añ.

Đơs Crih 66:16

Ơ jơh ală cau duh rngòt di Yàng Tom Trồ, tus tĕ iat, Gen añ rơp yal wơl bơta Yàng neh lơh añ in.

Đơs Crih 94:19

Tòm tŭ gơs oă bơta kơlôi rcang tòm nùs añ jê, Gen bơta pơndòm pơniang Kơnràñ dê lơh chò hòp hwềng soàn añ.

Lik Ejiptơ 32:32

Mơya tŭ do, dan Yàng toh glài bol khai in! Mơ dilah ò, dan Yàng jùt tĕ añ bơh di sră Kơnràñ neh cih.”

Jơnau Pơnđik 13:20

Gơtòmklac mơ cau jak chài, gơlik gơs jak chài; Mơya lơh yô mơ cau tùl gơla rơp kong roh gơprah.

Esai 26:3

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Esai 26:8

Tòm gùng bơta cahrña Kơnràñ dê, ơ Yàng Jehôwa, bol hi kơp gơn Kơnràñ; Sơnđan Kơnràñ mơ bơta kirsơnre bơh Kơnràñ, la bơta hwềng soàn bol hi hàm kòñ.

Esai 4:3

Ală cau gam wơl tòm Siôn, mơ ală cau gam ơm wơl tòm Jerusalem, hơ̆ la jơh ală cau geh sơnđan la sàng goh, jơh tơl nă cau geh cih tòm sră cau kis dê tòm Jerusalem.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 65:6

Ne, gơs jơnau cih di đap Añ la: “Añ rơp ò ơm mŏ mŏ, mơya Añ rơp tơm wơl; Añ rơp tơm wơl bơta hơ̆ di tiang ào bol khai dê.

Jeremi 31:18

Ngan, Añ neh kơno Epraim ñìm rac: ‘Kơnràñ lơh glài tơmàl añ, añ kong bơta lơh glài; Kung be dô nơm kơnrồ dam òhềt tui yô. Cèng brê tĕ añ, lòi añ in rê wơl, Bơh Kơnràñ la Jehôwa Yàng Tom Trồ añ jê!

Jeremi 8:6

Añ neh ai tồr mơ iat; Mơya bol khai ò đơs bơta song ngan, ò gơs cau lơi gơjrañ sang glài bơta iơh Mơ đơs lah: “Ñchi añ neh lơh taih?” Jơh tơl nă bol khai lòt jat gùng is, Kung be ơseh brồ tơm tòm tiah tòmlơh.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Daniel 7:10

Di đap Kơnràñ gơs dô nơm hiòng ồs gơhòr lìu làm jơh, rbô rbô cau duh broă Kơnràñ, mơ tơlak tơmàn ntào di đap Kơnràñ. Tŭ jơ cahrña neh tus, mơ ală sră neh pò tơlik.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Luka 2:38

Di di tŭ hơ̆, mò kung guh tềng hơ̆, jòng ro ưnngài Yàng Tom Trồ, mơ tòmbơhbơr bơh Kơnràñ mơ ală cau kơp gơn bơta dong tă Jerusalem.

Broă 1:13

Tòm tŭ neh tus tòm ƀòn dờng, bol khai guh tòm dô nơm ơdŭ tap hơđang la tiah Pier, Jang, Jakơ, Andre, Philip, Thôma, Bathelemi, Mathiơ, Jakơ kòn Alphe, Simôn Selôt, mơ Juda kòn Jakơ òs ơm.

Broă 10:2

Khai la dô nă cau dòn duh, bal mơ jơh hìu nhă khai duh rngòt di Yàng Tom Trồ lơm, jak pà gòi làng bol in, òs hòi dan mơ Yàng Tom Trồ sùm.

Broă 2:1

Tus di ngai pơjum sa Ngai Pram Jơt, ală cau bơtê pơjum bal dô bă.

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Ephesô 5:19

Ngui ală bơta đơs crih, bơta đơs chò, mơ sèng đơs chò đah hwềng mơ đơs chò bal, bơr đơs chò mơ nùs jòng ro Yàng.

I Tesalônika 5:11

Gen tàng oh mi pơndòm pơniang bal mơ gơp, bơt bơtào bal mơ gơp, kung be oh mi òs lơh.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

Hebrơ 10:24

Bol he pal kah kơlôi bal mơ gơp, nàng tòmchồl bal tòm bơta kòñ gơboh mơ ală broă niam.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.