Malaci 3:1 - Sră Goh 2018

¹ “Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Malaci 3:1 Mawu Ofanana

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Lik Ejiptơ 23:20

Do, Añ sồr dô nă cau gơnrơh lòt di đap bol mê nàng sền gàr bol mê tòm gùng dà mơ cèng bol mê tus di tiah Añ neh rcang sir.

Lik Ejiptơ 23:21

Ơn tĕ nùs tồr di khai mơ iat tĕ jơnau lơi khai đơs. Bañ tòmdră wơl mơ khai; khai rơp ò toh glài tòmdră mê dê ò, tài bơh Sơnđan Añ jê ơm tòm khai.

Esai 40:10

Sền ne, Yàng Jehôwa at bồ hơđang jơh ai gơnap gơnoar mơ tus, tơwòr tê Kơnràñ dê mơ at bồ. Sền ne, phan ƀàn Kơnràñ dê ơm mơ Kơnràñ, jền tơngai Kơnràñ dê ơm di đap Kơnràñ.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Sră Age 1:13

Gen Age, cau kong sồr Yàng Jehôwa dê, bơto yal làng bol in jơnau sồr Yàng Jehôwa dê, lah: “Añ ơm bal mơ bol mê,” Yàng Jehôwa đơs behơ̆.

Malaci 2:4

Git tĕ lah Añ neh ai jơnau gơnoar sồr do bol mê in nàng lơh bơta ho bal Añ jê mơ Lebi geh kơ̆ nền, Yàng Jehôwa Gơnap Gơnoar Dờng Làm Jơh đơs behơ̆.

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Malaci 4:5

Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê.

Mathiơ 11:14

Dilah bol mê kòñ dòp, gen hơ̆ la Eli la cau pal tus.

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Luka 19:47

Kòp ngai Kơnràñ bơto sồr tòm hìu duh khoai. Ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra tòm làng bol jòi bơta nàng tơnchơt Kơnràñ,

Luka 2:11

hơ̆ la ngai do tòm ƀòn dờng Dabit dê neh deh bol mê in dô Bơtau Dong klàs, la Krist, la Yàng.

Luka 2:38

Di di tŭ hơ̆, mò kung guh tềng hơ̆, jòng ro ưnngài Yàng Tom Trồ, mơ tòmbơhbơr bơh Kơnràñ mơ ală cau kơp gơn bơta dong tă Jerusalem.

Luka 2:46

Tơnơ̆ mơ pe ngai bol khai bàn Kơnràñ tòm hìu duh khoai, ơm nggui digùl ală cau bơto, iat ndang lùp ndang.

Broă 19:4

Behơ̆ Pol đơs tai lah: “Jang neh lơh ƀaptem bơh bơta gơjrañ sang glài mơ sồr làng bol Israel pal dòn jat Bơtau rơp tus tơnơ̆ khai, hơ̆ la dòn Yàng Jesu.”

Broă 7:38

Să tòm khai la cau neh ơm tòm mpồl jơnum tòm ƀlàng bràs ngềt ngơt bal mơ cau gơnrơh neh đơs mơ khai hơđang mơnơm Sinai mơ bal mơ ồng pàng bol he dê, mơ khai dòp leng ală jơnau kis nàng ai bol he in.