Malaci 2:8 - Sră Goh 2018

⁸ Mơya, bol mê neh pleh lik bơh di gùng, jơnau bơto sồr bol mê dê neh lơh oă cau in gơtup pừ; bol mê neh lơh gơltac sang bơta ho bal Lebi dê,” Yàng Jehôwa Gơnap Gơnoar Dờng Làm Jơh đơs behơ̆.

Malaci 2:8 Mawu Ofanana

II Ală Bơtau 16:11

Cau gơnoar ơn phan duh khoai Uria lơh gơs dô nơm cơnòng duh khoai tòm toh be rùp mơ bơtau Ahas neh pơyoa bơh Damas; Behơ̆ cau gơnoar ơn phan duh khoai Uria lơh sir cơnòng duh khoai hơ̆ lài mơ tŭ bơtau rê wơl bơh Damas.

Nehemi 13:29

Ơ Yàng Tom Trồ añ! Dan kah bol khai, bơh bol khai neh lơh ƀơ̆ ƀơl gơnoar ơn phan duh khoai mơ bơta ho pơgon gơnoar ơn phan duh khoai mơ cau Lebi dê.

Đơs Crih 119:102

Añ ò pơrlac sang jơnau gơnoar sồr Yàng dê, Bơh Kơnràñ neh bơto añ.

Đơs Crih 18:21

Bơh añ neh lơh jat nùs kòñ Yàng Jehôwa dê, ò lơh iơh bơsak mơ sang lòi Yàng Tom Trồ añ jê.

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Esai 30:11

Lik tĕ bơh gùng, pleh tĕ bơh gùng, bañ lòi bol hi iat tai bơh Bơtau Sàng Goh Israel dê!”

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Esai 9:16

Ală cau tề lam làng bol do neh lòt tìs nrah, mơ ală cau geh tề lam gơkòl roh rui.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 17:5

Yàng Jehôwa đơs be do: “Pal srat rma ngan cau lơi in dòn kơnòm di kòn mơnus, lơh pràn kơldang poac să bol khai dê, Nùs bol khai neh ơm ngài bơh Yàng Jehôwa.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Ejekiel 44:10

Tòm tŭ làng bol Israel lòt tìs nrah, ală cau Lebi neh lòt ngài bơh di Añ, sang lòi Añ mơ lòt jat ală rùp ràk gen bol khai pal kong cồng nha tồi glài bol khai dê.

Ejekiel 44:12

Tài bơh bol khai duh broă làng bol di đap ală rùp ràk mơ lơh hìu Israel gơtơmut tòm tồi glài, gen tàng Añ neh srat să gơwèt mơ bol khai lah bol khai rơp kong àñ bơta lơh glài bol khai dê, Jehôwa Yàng Tom Trồ đơs behơ̆.

Ejekiel 44:7

Tòm bơta bơtơl làng bol bơdìh ò siat gơltau tòm nùs mơ tòm poac să, neh gơs tòm tiah sàng goh Añ jê, lơh ƀơ̆ ƀơl hìu duh khoai Añ jê tòm tŭ bol mê ơn pơdơng, phan sa Añ in, dơngi mơ mhàm. Bol mê sang lòi bơta ho bal Añ jê bal mơ jơh ală broă cù kìr bol mê dê.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Lebi 21:15

nàng khai rơp ò lơh ƀơ̆ ƀơl kòn sau khai dê digùl làng bol khai. Añ la Yàng Jehôwa, la Bơtau lơh khai in gơs sàng goh.’”

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:5

Bơta ho bal Añ jê mơ khai la bơta ho bal kis mơ lơngap lơngai, Añ neh ai khai in; bơta hơ̆ geh sơnđan la pal duh rngòt, mơ khai neh duh rngòt di Añ, mơ rngòt rơm să di sơnđan Añ.

Khà Làng Bol 25:12

Gen tàng, yal tĕ khai in lah Añ bơtào bơta ho bal ring lơngai Añ jê mơ khai

Khà Làng Bol 25:13

Khai mơ ală kòn sau khai dê rơp gơs dô bơta ho bal gam sùm sùm tòm gơnoar broă ơn phan duh khoai, tài bơh khai neh duh hul bơh bơta ryŭ ryơm Yàng Tom Trồ khai dê, mơ neh lơh gơs bơta tơwài glài cau Israel in.”

Rôma 14:21

Niam rlau hơ̆ la ò sa poac, ò ñô tơrnòm, mơ ò lơh bơta lơi gơs kai gơtup tìs oh mi he in.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

I Samuel 2:17

Tồi glài ală cau pơnu do la dờng ngan di đap mat Yàng Jehôwa, bơh bol khai sền òsơp di phan ơn duh khoai Yàng Jehôwa dê.

I Samuel 2:24

Ò di lơh behơ̆, ơ ală kòn klau añ jê, hơ̆ ò di la jơnau yal niam mơ añ kơno jơnau pơnro làm tòm làng bol Yàng Jehôwa dê.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.