Malaci 2:7 - Sră Goh 2018

⁷ Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Malaci 2:7 Mawu Ofanana

II Ală Bơtau 16:11

Cau gơnoar ơn phan duh khoai Uria lơh gơs dô nơm cơnòng duh khoai tòm toh be rùp mơ bơtau Ahas neh pơyoa bơh Damas; Behơ̆ cau gơnoar ơn phan duh khoai Uria lơh sir cơnòng duh khoai hơ̆ lài mơ tŭ bơtau rê wơl bơh Damas.

II Ală Bơtau 16:16

Cau gơnoar ơn phan duh khoai Uria lơh jat ală bơta bơtau Ahas neh nting sồr.

II Yal Yau 30:22

Ejekia đơs jơnau chồl nùs jơh ală cau Lebi neh yal tơlik bơta git jak niam bơh bơta duh broă Yàng Jehôwa. Behơ̆ làng bol sa phan sa bơta pơjum sa ngai wèr dê tòm poh ngai, ơn phan duh khoai bơta ring lơngai mơ bơta ưnngài Jehôwa Yàng Tom Trồ ală ồng pàng bol khai dê.

II Yal Yau 31:4

Khai ai gơnoar sồr làng bol ơm tòm Jerusalem pal ơn pơnah gơrê bal mơ ală cau gơnoar ơn phan duh khoai mơ ală cau Lebi, tồ bol khai rgơi ơn is să tòm bol khai dê bơta boh lam Yàng Jehôwa in.

Ejra 7:10

Bơh Ejra neh ơn nùs khai dê bơtê bơta Boh Lam Yàng Jehôwa dê, mơ lơh jat gơ, nàng bơto ală jơnau sồr lam mơ bơta boh lam tòm Israel.

Ejra 7:25

Ai mê, ơ Ejra, jat be bơta jak chài Yàng Tom Trồ mê dê mơ mê neh gơs, pồ bơtào tĕ ală cau kwang at bồ mơ ală cau kwang cahrña nàng bol khai cahrña jơh làng bol tòm kơnhwàl ơm Đah Ne Hiòng, la ală cau git ală bơta boh lam Yàng Tom Trồ mê dê, mơ mê pal bơto ală bơta hơ̆ cau lơi ò git ală bơta boh lam hơ̆.

Jơnau Pơnđik 5:2

Tồ kòn rgơi prap gàr bơta git kơrhia, Mơ sơndồi kòn sền gàr bơta git jak.

Cau Bơto 5:5

Chan bañ ho pơgon, niam rlau mơ neh ho pơgon mơya ò lơh sir.

Esai 42:19

Ñcau la cau jơngo, mơya la cau duh broă Añ jê, mơ cau tĭ tồr kung be cau kong sồr mơ Añ neh sồr lòt taih? Ñcau la jơngo kung be cau ơn să Añ in, hala cau jơngo kung be cau duh broă Yàng Jehôwa dê taih?

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Jeremi 15:19

Gen tàng, Yàng Jehôwa đơs be do: “Dilah mê rê wơl, gen Añ rơp cèng mê wơl mơ mê rơp ntào di đap Añ; Dilah mê sac bơta niam mơ sang bơta iơh, Gen mê rơp duh broă be bơr Añ jê. Bol khai rơp rê wơl mơ mê; Mơya mê bañ rê wơl mơ bol khai.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Ejekiel 22:26

Ală cau gơnoar ơn phan duh khoai gơ dê sang lòi bơta boh lam Añ jê mơ lơh ƀơ̆ ƀơl ală phan sàng goh Añ jê; bol khai ò cah is phan lơi la sàng goh mơ phan lơi la phan òs; bol khai kung ò bơto gơs bơta krơi is digùl phan ƀơ̆ ƀơl mơ phan sàng goh; mơ bol khai ñềm mat wèt ò kơlôi rcang hơ bơta prap gàr ală ngai Saƀat Añ jê, tian gơs lơh Añ in gơkòl sền òsơp digùl bol khai.

Ejekiel 7:26

Rung rài do gơbơtơl hơđang rung rài ndai, jơnau pơnro do gơpơnjat jơnau pơnro ne. Bol khai rơp pơnđơl jòi bơta gơtơnggŏ bơh di cau gơnoar hwơr; jơnau bơto tơngkah bơh cau gơnoar ơn phan duh khoai rơp roh rui, jơnau bơto sơnio bơh di ală cau kwang kra kung rơp ò gơs.

Daniel 11:33

Ală cau jak chài tòm làng bol rơp bơto sồr oă cau: bulah tòm dô pah ngai bol khai rơp kong sreh tơnchơt, kong chu tòm ồs, mơ kong cau tòmpìt ai jơh phan mơna.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Lebi 10:11

mơ bol mê pal bơto cau Israel jơh ală bơta sồr lam mơ Yàng Jehôwa neh kơnòm di Môise ai bol khai in.”

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Sră Age 1:13

Gen Age, cau kong sồr Yàng Jehôwa dê, bơto yal làng bol in jơnau sồr Yàng Jehôwa dê, lah: “Añ ơm bal mơ bol mê,” Yàng Jehôwa đơs behơ̆.

Sacari 7:3

mơ lùp ală cau gơnoar ơn phan duh khoai tòm hìu duh khoai Yàng Jehôwa Gơnap Gơnoar Dờng Làm Jơh dê, bal mơ ală cau gơnoar hwơr lah: “Añ pal ñìm rac mơ ơt sa tòm kơnhai pram kung be añ neh lơh tòm oă sơnam neh rlau sơl ơ?”

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Jang 13:20

Di ngan, di ngan, Añ đơs mơ bol mê, cau lơi wă rò cau lơi Añ sồr lòt tus, hơ̆ la wă rò Añ; mơ cau lơi wă rò Añ, hơ̆ la wă rò Bơtau neh sồr Añ lòt tus.”

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Broă 16:17

Khai jat Pol mơ bol hi, hòi driau lah: “Ală cau do la dĭ gơna Yàng Tom Trồ Hơđang Rlau Jơh dê, bơto yal bol mê in bơta dong klàs.”

II Kôrintô 5:20

Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

Galati 4:14

bulah poac să añ jê lơh oh mi in tìp bơta ơniai, mơya oh mi ò sền òsơp di añ, kung ò sang lòi añ, mơya wă rò añ kung be dô nă cau gơnrơh Yàng Tom Trồ dê, be să tòm Yàng Krist Jesu.

Yal Wơl 21:5

Ală cau gơnoar ơn phan duh khoai, ală kòn klau Lebi rơp cơnđòa lòt hơđap, bơh Jehôwa Yàng Tom Trồ bol mê dê neh sac rwah bol khai nàng duh broă mơ ai sơnđan Yàng Jehôwa mơ ai lơngai, mơ lơh nền jơh ală bơta tòmlah tòmlơh.

Yal Wơl 24:8

Dilah gơs bơta kòp dun gen pal kơrhia lơh jat tòm toh be jơnau ală cau gơnoar ơn phan duh khoai la ală cau Lebi neh bơto sồr bol mê. Bol mê pal kơrhia lơh jat ală bơta añ neh sồr bol khai.

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.

I Samuel 2:17

Tồi glài ală cau pơnu do la dờng ngan di đap mat Yàng Jehôwa, bơh bol khai sền òsơp di phan ơn duh khoai Yàng Jehôwa dê.