Malaci 2:5 - Sră Goh 2018

⁵ Bơta ho bal Añ jê mơ khai la bơta ho bal kis mơ lơngap lơngai, Añ neh ai khai in; bơta hơ̆ geh sơnđan la pal duh rngòt, mơ khai neh duh rngòt di Añ, mơ rngòt rơm să di sơnđan Añ.

Malaci 2:5 Mawu Ofanana

Đơs Crih 61:5

Ơ Yàng Tom Trồ, bơh Kơnràñ neh kơno jơnau ho pơgon añ jê, Kơnràñ neh ai añ in phan jơtài ală cau duh rngòt di sơnđan Kơnràñ dê.

Jơnau Pơnđik 14:2

Cau lơi lòt jat bơta song ngan duh rngòt Yàng Jehôwa; Ai cau lơi lơh lòt rkwet rkwe sền òsơp di Kơnràñ,

Ejekiel 34:25

Añ rơp bơtào mơ bol gơ dô bơta ho bal ring lơngai, mơ rơp bơtrơh ală phan brê bơh di lơgar nàng bol gơ rgơi ơm tòm ƀlàng ngềt ngơt mơ bic tòm brê tòm dơr dô bă lơngap lơngai.

Ejekiel 37:26

Añ rơp bơt bơtào dô bơta ho bal ring lơngai mơ bol khai; hơ̆ rơp la dô bơta ho bal gam sùm sùm. Añ rơp ai lơngai bol khai in mơ lơh khà làng bol bol khai dê gơbơtơl oă ngan. Añ rơp ơn hìu duh khoai Añ jê digùl bol khai gam sùm sùm.

Khà Làng Bol 25:7

Tòm tŭ Phineas kòn klau Eleajar, la sau Arôn cau gơnoar ơn phan duh khoai neh gŏ bơta hơ̆, khai sang lòi mpồl jơnum, at dô nơm tà tòm tê khai dê,

Khà Làng Bol 25:8

mơ lòt jat cau Israel mut tòm sàl ơm. Khai ai tà srơp bluh bàr nă bol hơ̆, srơp bluh cau Israel mơ bluh să jan cau ùr dê. Gen bơta kòp jê pluh plàng tơnroh cau Israel dơh wơl.

Khà Làng Bol 3:45

“Ơn is tĕ ală cau Lebi nàng ala jơh ală kòn klau tơnhoa cau Israel dê, mơ ală phan poan jơng cau Lebi dê nàng ala mpồl phan poan jơng cau Israel dê. Ală cau Lebi rơp gơrê bal mơ Añ. Añ la Yàng Jehôwa.

Khà Làng Bol 8:15

Tơnơ̆ mơ tŭ mê neh lơh ală cau Lebi in gơs goh mơ bơtào bol khai lơh gơs kung be dô nơm phan ơn tơyài ma kiau, bol khai rơp tus lơh broă bol khai dê tòm Sàl Tòm Mat.