Malaci 2:2 - Sră Goh 2018

² Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Malaci 2:2 Mawu Ofanana

Đơs Crih 69:22

Dan lơh cơnòng ñô sa di đap bol khai gơlik gơs dô nơm dă; Dan lơh bơta pơjum sa duh khoai bol khai dê gơlik gơs dô nơm bơtơng.

Jơnau Pơnđik 3:33

Bơta srat sơntơm Yàng Jehôwa dê ơm hơđang hìu cau iơh bơsak, Mơya Kơnràñ ai lơngai tiah ơm cau song ring dê.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Esai 47:7

Ai neh đơs lah: “Añ rơp la cau ùr tòm gam sùm sùm!” Bơh ai ò ơn nùs kơlôi sơnơng bơh ală bơta hơ̆, hala kah kơlôi bơh bơta lồi dut bol khai dê.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Sră Age 1:9

‘Bol mê kơp kòñ oă, mơya sền do, bol mê mìng geh dô êt. Ñchi bơta bol mê cèng tơmut tòm hìu gen Añ khồm roh thit. Ñchi bơh tài behơ̆ taih?’ Yàng Jehôwa Gơnap Gơnoar Dờng Làm Jơh đơs lah: ‘Hơ̆ la tài bơh hìu Añ gam sang lòi tơrlah tơrling, tòm tŭ kòp nă bol mê giga bơt hìu is he dê.

Malaci 2:1

Mơ tŭ do, Ơ ală cau gơnoar ơn phan duh khoai, do la gơnoar sồr bol mê in.

Malaci 3:9

Bol mê kong srat sơntơm, jơh dô nơm làng bol bol mê dê, tài bơh bol mê neh sa kơñau bơh di Añ.

Luka 17:18

Rlau mơ cau làng bơdìh do, gen ò gơs cau ndai tai rê wơl nàng jòng ro Yàng Tom Trồ ơ?”

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

Yal Tơlik 14:7

Khai đơs jơnau dờng lah: “Duh rngòt tĕ di Yàng Tom Trồ mơ jòng ro Kơnràñ, bơh jơ cahrña Kơnràñ dê neh di rau; duh khoai tĕ Bơtau neh crơng gơs trồ, tiah, dàlềng mơ ală croh dà.”

Yal Tơlik 16:9

Mơ ală cau kòl hur mơ ồs duh ngan, gen bol khai đơs tràl sơrbil di sơnđan Yàng Tom Trồ la Bơtau gơs gơnoar hơđang ală bơta rung rài hơ̆, mơ bol khai kung ò gơjrañ sang glài mơ ò jòng ro bơta dờng ryŭ Yàng Tom Trồ sơl.