Malaci 2:11 - Sră Goh 2018

¹¹ Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.

Malaci 2:11 Mawu Ofanana

Ejra 10:2

Sekania kòn klau Jehiel, kòn sau mpồl Elam dê, đơs mơ Ejra lah: “Bol hi neh tìs glài ò dòn song mơ Yàng Tom Trồ bol hi dê, bơh neh bau mơ ală cau ùr bơdìh bơh di ală làng bol ơm tòm lơgar, mơya bulah behơ̆, tŭ do gơs bơta gơn kơnòm Israel in tòm bơta ò ring nùs bơh bơta do.

Ejra 9:12

Gen tàng, bañ ai ală kòn ùr bol mê dê bau mơ ală kòn klau bol khai dê, hala bañ ai ală kòn klau bol mê dê bau mơ ală kòn ùr bol khai dê. Bañ tŭ lơi jòi jat bơta ring lơngai mơ bơta pas sơm bol khai dê, tồ oh mi in geh pràn kơldang mơ geh sa ală phan niam ù tiah dê, mơ lòi gơ wơl ală kòn sau bol mê in lơh gơs phan jơtài gam sùm sùm.’

Đơs Crih 106:28

Gen bol khai kung duh rùp ràk Baal Pheô, Mơ sa phan duh khoai ơn pơdơng cau chơt in.

Jeremi 2:3

Israel la làng bol sàng goh Yàng Jehôwa in; La plai bồ sơnam cồng nha Kơnràñ dê. Dilah cau lơi sa loan làng bol hơ̆ rơp gơkòl glài; Bơta rung rài neh tus hơđang bol khai.’” Yàng Jehôwa đơs behơ̆.

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 7:10

Lồc behơ̆ bol mê tơlik mat mơ Añ tòm hìu do, la tiah geh tơmoh bơh sơnđan Añ, mơ đơs lah: “Bol hi neh geh dong tă rau!” Tồ mìng pơnjat sùm lơh ală bơta cù kìr hơ̆ ơ?

Ejekiel 18:13

Khai ai cau càn jền mơ sa cồng kơnjơ̆ mơ ai jền cồng oă rlau. Cau lơh behơ̆ rơp geh kis sơl ơ? Ò, khai rơp ò geh kis! Tài bơh khai neh lơh jơh ală bơta cù kìr hơ̆, gen ngan la khai rơp kong chơt, mơ mhàm khai dê rơp ơm hơđang bồ khai.

Ejekiel 22:11

Digùl ai, dô nă cau klau do tìs glài ƀơ̆ iơh mơ bau ùr cau gơp ƀòn khai dê, dô nă cau klau ne lơh bơta ƀàssìl ƀàsso mơ ƀan khai dê, mơ dô nă cau klau ndai tai lơh tìs mơ bi ùr khai dê, la kòn ùr bèp tòm khai dê.

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Lebi 20:26

Bol mê pal la sàng goh Añ in, tài bơh Añ, Yàng Jehôwa, la sàng goh, mơ Añ neh cah is bol mê bơh di ală làng bol nàng bol mê gơrê is bal mơ Añ.

Malaci 1:1

Dô jơnau gơnoar hwơr. Jơnau Yàng Jehôwa đơs mơ Israel bơh Malaci.

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Ală Kwang Cahrña 3:6

Bol khai bau mơ ală kòn ùr làng bol hơ̆, mơ bol khai tòmbau ală kòn ùr bol khai dê mơ ală kòn klau làng bol hơ̆ dê, mơ duh khoai ală yàng bol hơ̆ dê.