Malaci 2:10 - Sră Goh 2018

¹⁰ Bol he jơh tơl nă ò di gơs dô nă Bèp ơ? Ò di dô nă Yàng Tom Trồ neh crơng gơs bol he ơ? Gen ñchi bơh tài bol he ò dòn song bal mơ gơp, lơh gơtup tìs di bơta ho bal mơ ală ồng pàng bol he dê taih?

Malaci 2:10 Mawu Ofanana

Nehemi 13:29

Ơ Yàng Tom Trồ añ! Dan kah bol khai, bơh bol khai neh lơh ƀơ̆ ƀơl gơnoar ơn phan duh khoai mơ bơta ho pơgon gơnoar ơn phan duh khoai mơ cau Lebi dê.

Sră Jop 31:15

Ò di Kơnràñ la Bơtau neh mòn añ tòm kơndul mè kung neh mòn bol khai ò ơ? Ò di kung dô Bơtau hơ̆ neh crơng mòn bol he tòm kơndul mè ò ơ?

Đơs Crih 100:3

Dòp git tĕ lah Jehôwa la Yàng Tom Trồ! Să tòm Kơnràñ neh crơng gơs bol he, bol he gơrê mơ Kơnràñ; Bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê.

Lik Ejiptơ 19:4

‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ.

Lik Ejiptơ 19:5

Gen tàng, tŭ do dilah bol mê dòn bơr Añ wil tơl mơ prap gàr bơta ho bal Añ jê, gen digùl ală làng bol, bol mê rơp la phan jơtài Añ jê. Bulah jơh dunnia gơrê bal mơ Añ,

Lik Ejiptơ 24:3

Tòm tŭ Môise lòt tus yal làng bol in jơh ală jơnau đơs mơ ală bơta boh lam Yàng Jehôwa dê, gen bol khai ho dô jơnau bal lah: “Bol hi rơp lơh jat jơh ală jơnau Yàng Jehôwa neh đơs.”

Lik Ejiptơ 24:7

Chòp khai ai Sră Bơta Ho Bal mơ sền làng bol in iat. Làng bol ho lah: “Bol hi rơp lơh jat jơh ală jơnau Yàng Jehôwa neh đơs, bol hi rơp dòn bơr.”

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 43:15

Añ la Yàng Jehôwa, Bơtau Sàng Goh bol mê dê, la Bơtau Crơng Gơs Israel, mơ la Bơtau At Bồ bol mê dê.”

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Esai 44:2

Do la jơnau đơs Yàng Jehôwa dê, la Bơtau neh lơh gơs mê, neh mòn gơs mê tòm kơndul mè, mơ la Bơtau rơp dong kòl mê: Bañ rngòt, ơ Jakôp, cau duh broă Añ jê, mơ Jerusalem la cau Añ neh sac rwah;

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Esai 64:7

Ò gơs dô nă cau lơi hòi dan di sơnđan Kơnràñ, hala pơnđơl pràn nàng at di Kơnràñ; bơh Kơnràñ neh pồn mat bơh di bol hi, mơ lòi bol hi kong roh rui tài bơh tồi glài bol hi dê.

Esai 64:8

Bulah behơ̆, Ơ Yàng Jehôwa, Kơnràñ la Bèp bol hi dê! Bol hi la ù kơnàng, Kơnràñ la Cau Tòm mòn gri; bol hi jơh tơl nă la broă tê Kơnràñ lơh.

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Ejekiel 33:24

“Ơ kòn mơnus, ală cau ơm tòm tiah srau gòi tòm lơgar Israel dê gam đơs lah: ‘Abraham gơs mìng dô nă lơm mơya khai neh dòp geh lơgar lơh gơs sre brê. Mơya bol he gơs oă cau, gen di ngan la lơgar neh geh ai bol he in lơh gơs sre brê.’

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:11

Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.

Malaci 2:8

Mơya, bol mê neh pleh lik bơh di gùng, jơnau bơto sồr bol mê dê neh lơh oă cau in gơtup pừ; bol mê neh lơh gơltac sang bơta ho bal Lebi dê,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 10:21

Oh mơ mi rơp bơtào bal nàng kòl tơnchơt, bèp rơp bơtào kòn, ală kòn rơp tòmdră mơ mè bèp mơ tơnchơt bol khai.

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Luka 1:73

Kơnràñ kung kah wơl jơnau mơ Kơnràñ neh ho nền mơ Abraham ồng pàng bol he dê lah,

Luka 3:8

Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in.

Jang 8:39

Bol khai ho lah: “Bèp bol hi dê la Abraham.” Yàng Jesu đơs lah: “Dilah bol mê la kòn sau Abraham dê, gen rơp lơh ală broă Abraham dê sơl.

Jang 8:41

Bol mê lơh broă bèp bol mê dê.” Bol khai đơs lah: “Bol hi ò di la kòn tir; bol hi gơs mìng dô nă Bèp la Yàng Tom Trồ.”

Jang 8:53

Ngan sơl Cau Bơto dờng rlau mơ Abraham, ồng pàng bol hi dê, la cau neh chơt ơ? Ală cau gơnoar hwơr kung neh chơt! Cau Bơto sơnđan is să he la ñcau taih?”

Jang 8:56

Bèp bol mê la Abraham hòn chò kơp kòñ geh gŏ ngai Añ jê; khai neh gŏ mơ hòn chò.”

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

Broă 17:25

Kơnràñ kung ò càng ngui tê cau nàng duh broă, gơlơh be Kơnràñ pal càng di bơta lơi, tài bơh să tòm Kơnràñ la Bơtau ai bơta kis, nhơm tă mơ jơh ală bơta ndai tơl nă cau in.

Broă 17:26

Bơh di dô nă cau Kơnràñ neh lơh gơlik gơs ală làng bol, mơ lơh bol khai in ơm kis làm jơh hơđang ù, Kơnràñ lơh nền pah tŭ tơngai mơ nhàr tiah bol khai in ơm,

Broă 7:2

Etien ho lah: “Ơ ală bèp, ală bi, iat tĕ añ! Yàng Tom Trồ gơklŏ neh tơlik să mơ ồng pàng bol he la Abraham tòm tŭ khai gam ơm tòm Mesôpôtami, lài mơ tŭ tus ơm tòm Caran,

Broă 7:26

Ngai tơnơ̆, khai lòt tus gŏ bol khai ơm tòmlơh bal, gen khai kòñ dong bol khai gơtòmsòr bal, mơ đơs lah: ‘Ơ ală ồng, ală ồng la oh mi bal; ñchi bơh tài lơh iơh di gơp behơ̆ taih?’

Rôma 4:1

Behơ̆, bol he rơp đơs bơh Abraham, ồng pàng bol he jat poac să, ñchi khai neh git làm taih?

Rôma 9:10

Ò di mìng behơ̆ lơm ò, mơya tòm tŭ Rebeka bơh ồng pàng bol he dê la Isak mơ gơs bun kòn bàr.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 4:6

dô nă Yàng Tom Trồ la Bèp jơh ală cau, Kơnràñ ơm hơđang jơh tơl nă, ơm digùl jơh tơl nă, mơ ơm tòm jơh tơl nă cau.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Hebrơ 12:9

Mơ tai, bol he neh gơs bèp đah poac să lơh glài tơmàl, mơ bol he duh rngòt di bol khai, tơ ài lah Bèp đah hwềng gen bol he ò dòn duh sơlo rlau tai nàng geh kis ò ơ?

Jôsue 24:3

Mơ Añ neh tă tơlik ồng pàng bol mê dê la Abraham bơh lơgar đah ne hiòng mơ lam khai làm lơgar Kanaan, mơ ai khai in gơs oă kòn sau. Añ neh ai khai in Isak,