Malaci 1:8 - Sră Goh 2018

⁸ Tòm tŭ bol mê cèng ală phan poan jơng jơngo mat lơh gơs phan ơn duh khoai, bơta hơ̆ la ò tìs sơl ơ? Tòm tŭ bol mê ơn ală phan poan jơng kwet gơlte hala kòp jê, bơta hơ̆ la ò tìs sơl ơ? Lòng ơn bol gơ cau kwang đơng lơgar mê in! Khai rơp niam nùs di mê hala khai rơp dòp phan mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Malaci 1:8 Mawu Ofanana

Sră Jop 42:8

Gen tàng, tŭ do kup tĕ poh nơm kơnrồ dam mơ poh nơm belàt dam mơ lòt tus hơ Jop la cau duh broă Añ jê, mơ ơn tĕ phan ơn chu pơrguc să tòm mê in; mơ cau duh broă Añ jê la Jop rơp hòi dan bol mê in; mơ Añ rơp dòp jơnau hòi dan khai dê, mơ ò lơh bol mê in jat be bơta bơrngơl gơla bol mê dê, bơh bol mê ò đơs bơh Añ dô bă di pal kung be cau duh broă Añ jê la Jop neh đơs.”

Đơs Crih 20:3

Dan Kơnràñ kah jơh ală phan ơn pơdơng mê dê, Mơ niam nùs dòp phan ơn duh khoai chu pơrguc mê dê! (Selah)

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Malaci 1:7

Bol mê ơn phan sa ƀơ̆ ƀơl hơđang cơnòng duh khoai Añ jê. Mơya bol mê lùp lah: ‘Mbe bol hi neh lơh ƀơ̆ ƀơl Kơnràñ taih?’ Hơ̆ la tài bơh bol mê kơlôi lah: ‘Cơnòng Yàng Jehôwa di pal sền òsơp.’

Yal Wơl 15:21

Dilah dô nơm phan poan jơng gơs tềl sồt, pă jơng hala jơngo mat, hala gơs tềl sồt rmàñ lơi kơnjơ̆ gen bol mê bañ ơn gơ Jehôwa Yàng Tom Trồ bol mê in.