Luka 9:55 - Sră Goh 2018

⁵⁵ Mơya Yàng Jesu wơlke lah pơrhơng bol khai; [lah: “Bol mê ò git hwềng lơi gơchồl bol mê đơs behơ̆.”]

Luka 9:55 Mawu Ofanana

II Samuel 19:22

Dabit ho lah: “Ơ ală kòn klau Jeruyah dê, ñchi bơta añ pal lơh mơ bol mê taih? Mơ ngai do bol mê neh gơlik gơs cau lơh bòl glar di añ, dô nă cau tòm Israel ngai do pal kong tơnchơt sơl ơ? Añ ò git lah ngai do añ la bơtau at bồ Israel ò ơ?”

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Sră Jop 26:4

Ñcau neh dong ồng đơs ală jơnau do taih? Mơ hwềng lơi neh lik bơh di ồng taih?

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Jơnau Pơnđik 9:8

Bañ lah pơrhơng cau dơñŏ tơnhial, rngòt khai gơjrañ kòn; Lah pơrhơng tĕ cau jak chài, gen khai rơp kòñ gơboh kòn.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Mathiơ 16:23

Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Mathiơ 26:33

Pier đơs lah: “Bulah jơh tơl nă gơtup tìs tài bơh Kơnràñ, mơya añ ò tŭ lơi gơtup tìs ò.”

Mathiơ 26:41

Drơng kơp tĕ mơ hòi dan, nàng bol mê ò gơtơmut tòm bơta ơniai; Hwềng nùs kòñ ngan mơya poac să lơbơn lơño.”

Mathiơ 26:51

Ne, gơs dô nă tòm ală cau ơm bal mơ Yàng Jesu tă đào, lơh cau dĭ cau gơnoar dờng lam bồ ơn phan duh khoai dê, sreh tac dô đah tồr khai.

Luka 9:54

Cau bơtê Kơnràñ dê la Jakơ mơ Jang gŏ behơ̆ gen đơs lah: “Ơ Yàng, Kơnràñ kòñ bol hi sồr ồs mù bơh đang trồ tơnroh bol khai sơl?”

Luka 9:56

Bơh Kòn Mơnus ò di lòt tus nàng tơnroh bơta kis cau, mơya nàng dong klàs. Lồc behơ̆ bol khai lòt tus hơ ƀòn ndai.

Jang 16:9

Bơh tồi glài, tài bơh bol khai ò dòn Añ;

Jakơ 3:10

Bơh dô nơm bơr mơ gơlik bơta jòng ro bal mơ bơta srat rma sơl? Ơ oh mi añ jê, bañ lơh behơ̆!

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.