Luka 9:41 - Sră Goh 2018

⁴¹ Yàng Jesu đơs lah: “Ơ jơi bơtiàn ò dòn mơ kơldang nùs ne, Añ ơm bal mơ bol mê mơ kong ơt di bol mê jơl tus di tŭ lơi taih? Lam tĕ kòn klau mê tus hơ do.”

Luka 9:41 Mawu Ofanana

II Ală Bơtau 5:8

Mơya tòm tŭ Elise, cau Yàng Tom Trồ dê, kơno lah bơtau Israel neh crè ồi ào khai dê, gen sồr cau đơs mơ bơtau lah: “Ñchi bơh tài bơtau crè ồi ào? Lòi tĕ Naaman tus hơ añ, nàng khai rgơi git lah gơs dô nă cau gơnoar hwơr tòm Israel.”

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Lik Ejiptơ 16:28

Gen Yàng Jehôwa đơs mơ Môise lah: “Bol mê ò bài prap gàr ală bơta sồr lam mơ ală bơta bơto sồr Añ jê jơl tus di tŭ lơi taih?

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Khà Làng Bol 14:11

Yàng Jehôwa đơs mơ Môise lah: “Nđò jŏ làng bol do gam sền òsơp di Añ taih? Nđò jŏ bol khai gam ò bài dòn di Añ bulah Añ neh lơh jơh ală tềl krơi digùl bol khai taih?

Khà Làng Bol 14:27

“Gam nđò jŏ tai mpồl jơnum iơh bơsak do yoam joh tòmdră mơ Añ taih? Añ neh kơno jơnau yoam mơ ƀoah cau Israel dê.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 12:39

Kơnràñ ho lah: “Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi cau gơnoar hwơr Jôna dê.

Mathiơ 12:45

gen gơ lòt tai mơ lam tus poh nơm cà ndai iơh bơsak rlau mơ gơ, mut ơm bal tềng hơ̆; behơ̆ rài kis cau hơ̆ gơlik iơh rmơh rlau mơ lài òr. Jơi bơtiàn iơh bơsak do kung rơp behơ̆ sơl.”

Mathiơ 16:4

Jơi bơtiàn iơh bơsak rềs àr bơrnàn do dan dô nơm tềl krơi, mơya rơp ò ai bol khai in tềl krơi lơi rlau mơ tềl krơi Jôna dê.” Gen Kơnràñ lòi bol khai mơ lòt.

Mathiơ 17:17

Yàng Jesu ho lah: “Ơ jơi bơtiàn ò dòn mơ kơldang bồ ne, Añ kong ơt mơ bol mê jơl tus di tŭ lơi taih? Cèng tĕ kòn hơ̆ tus tềng do Añ in.”

Mathiơ 23:36

Di ngan Añ đơs mơ bol mê, jơh ală bơta hơ̆ rơp gơlik tus hơđang jơi bơtiàn do.”

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Jơnau Niam Jat Mak 10:14

Dơ̆ Yàng Jesu gŏ behơ̆ gen gơjrañ mơ đơs mơ ală cau bơtê lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar Yàng Tom Trồ gơrê mơ ală cau be bol khai.

Jơnau Niam Jat Mak 10:49

Yàng Jesu dơh wơl mơ đơs lah: “Hòi tĕ khai.” Bol hơ̆ hòi cau jơngo mơ đơs lah: “Kơ̆ tĕ nùs, ntào, Kơnràñ hòi mê.”

Jơnau Niam Jat Mak 9:19

Yàng Jesu ho lah: “Ơ jơi bơtiàn ò dòn ne, Añ pal ơm mơ bol mê jơl tus di tŭ lơi taih? Añ kong ơt mơ bol mê jơl tus di tŭ lơi taih? Cèng tĕ kòn hơ̆ Añ in hơ do.”

Luka 8:25

Gen Kơnràñ đơs mơ bol khai lah: “Ntềng đah bơta dòn bol mê dê taih?” Bol khai rngòt rngơt ngan, ai lơh krơi đơs bal mơ gơp lah: “Behơ̆ cau do la ñcau, mơ kung rgơi lơh càl mơ ryà dà in dòn bơr khai dê taih?”

Luka 9:40

Añ neh dan ală cau bơtê Kơnràñ bơtrơh tơlik cà hơ̆, mơya bol khai ò rgơi bơtrơh.”

Luka 9:42

Dơ̆ kòn klau lòt tus, cà sơrglơm khai, sơntơt rơnggô khai pràn ngan. Mơya Yàng Jesu lah pơrhơng cà, sơmbòi cau kơnòm hơ̆ mơ jào wơl bèp khai in.

Jang 14:9

Yàng Jesu đơs lah: “Ơ Philip, Añ ơm mơ bol mê neh jŏ rau, mơ mê òhềt git Añ ơ? Cau lơi neh gŏ Añ la neh gŏ Bèp rau. Mbe mê đơs lah: ‘Dan sơnio Bèp bol hi in, taih’?

Jang 20:27

Chòp Kơnràñ đơs mơ Thôma lah: “Ai tĕ ràs tê mê ƀư tềng do mơ sền tĕ tê Añ, ai tĕ tê mê ƀư dê wĕ Añ; bañ pin, mơya dòn tĕ.”

Broă 13:18

Kơnràñ kong ơt di bol khai pơgap poan jơt nam tòm ƀlàng bràs ngềt ngơt.

Broă 2:40

Pier ai tai oă jơnau ndai nàng lơh cơng mơ bơto pơndòm bol khai lah: “Ală oh mi dong tĕ să he klàs bơh jơi bơtiàn iơh bơsak do!”

Rôma 2:4

Hala mê sền òsơp nùs lơbơn niam, jak toh glài mơ kong ơt Kơnràñ dê ơ? Mơ mê ò git nùs lơbơn niam Yàng Tom Trồ dê lam mê lòt tus hơ bơta gơjrañ sang glài ò ơ?

Yal Wơl 32:5

mơ ală kòn sau neh lơh blac pơrlồm gơwèt mơ Kơnràñ, dô jơi bơtiàn kră kơldang mơ lac lèo,

Hebrơ 3:19

Behơ̆, bol he gŏ bol khai ò rgơi mut tòm hơ̆ la tài bơh ò dòn.

Hebrơ 4:11

Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.