Luka 8:47 - Sră Goh 2018

⁴⁷ Cau ùr hơ̆ git khai ò rgơi pồn să tai, gen rơm să, tus tơmbic să di đap Kơnràñ, yal tơlik tài bơh ñchi khai neh ƀư di Kơnràñ mơ mbe lơi khai geh bòi mo; gơs jơh làng bol kơno lơm.

Luka 8:47 Mawu Ofanana

Đơs Crih 2:11

Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

Đơs Crih 38:9

Ơ Yàng, Kơnràñ git jơh ală bơta kơp kòñ añ jê, Bơta rac ròc añ jê ò ndơp di đap Yàng.

Đơs Crih 66:16

Ơ jơh ală cau duh rngòt di Yàng Tom Trồ, tus tĕ iat, Gen añ rơp yal wơl bơta Yàng neh lơh añ in.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Sră Ôse 13:1

Tòm tŭ Epraim đơs, cau rơm să rngòt; khai neh geh yò tơngguh tòm Israel. Mơya khai neh tìs glài duh khoai Baal mơ kong chơt.

Sră Ôse 5:3

Añ git Epraim, mơ Israel ò geh pồn ndơp bơh di Añ. Ơ Epraim, bơh mê neh lơh dri tơlàr, Israel neh gơlik ƀơ̆ ƀơl.

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

Mathiơ 28:8

Bàr nă cau ùr sơrbac sơrbang lik bơh bơtô rngòt ndang hòn chò ndang, ntoat yal ală cau bơtê Kơnràñ in.

Jơnau Niam Jat Mak 5:33

Cau ùr git bơta neh gơlik gơs di khai gen rngòt rơm să, lòt tus tơmbic să di jơng Kơnràñ mơ yal song jơh ală bơta.

Luka 8:46

Mơya Yàng Jesu đơs lah: “Ngan gơs cau neh ƀư di Añ, bơh Añ git gơs gơnap gơnoar neh lik bơh Añ.”

Luka 8:48

Gen Kơnràñ đơs mơ khai lah: “Ơ kòn ùr, bơta dòn ai dê neh sơmbòi ai; rê tĕ lơngap lơngai.”

Broă 16:29

Cau at bồ hìu jàm hòi cau ai ồs, mut sơrbac sơrbang, rơm să rngòt, mơ tơmbic să di jơng Pol mơ Sila,

I Kôrintô 2:3

Mơ añ neh tus hơ oh mi tòm bơta lơbơn lơño, mơ tòm bơta rngòt rngơt mơ rơm să ngan.

II Kôrintô 7:15

Dơ̆ khai kah wơl bơta dòn bơr jơh tơl nă oh mi dê, mbe lơi oh mi ai bơta rngòt rơm să mơ wă rò khai, gen nùs kòñ gơboh khai dê gơwèt mơ oh mi sơlo oă tai.

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

I Samuel 16:4

Samuel lơh jat be Yàng Jehôwa neh sồr, mơ khai neh tus hơ Betlehem, ală cau kwang kra ƀòn hơ̆ rơm să rngòt lòt tus tìp khai mơ đơs lah: “Ồng tus tòm bơta lơngap lơngai sơl?”