Luka 7:21 - Sră Goh 2018

²¹ Mơ tai, tòm tŭ hơ̆ Yàng Jesu sơmbòi oă cau kòp jê pluh plàng, gơkòl cà lơh, mơ oă cau jơngo geh àng.

Luka 7:21 Mawu Ofanana

I Ală Bơtau 8:37

Dilah tòm lơgar gơlik gơs bơta jơgloh rung, pluh plàng, ro rañ, but bơsềt ồm lề, srah nting, srah, hala gơs cau sò tơm gòm gơrwàng ală tiah ơm bol khai dê, hala gơs bơta rung rài, kòp jê lơi;

Lebi 14:48

Mơya dilah cau gơnoar ơn phan duh khoai tus mơ sền sơwì hìu hơ̆ mơ bơta but bơsềt ò gơ sa rì tơnơ̆ mơ tŭ hìu neh lềr rau, khai rơp yal tơlik hìu hơ̆ la goh, tài bơh bơta but bơsềt neh ò gam tai.

Mathiơ 4:23

Yàng Jesu lòt làm Galile, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi tơl ală bơta kòp jê tòm làng bol.

Mathiơ 4:24

Sơnđan Kơnràñ pơnro làm jơh lơgar Siri. Cau cèng jơh ală cau kòp, gơs tơl ală bơta kòp tê jê să, cau kòl cà lơh, cau kroă sơnrang, cau gơlte tus hơ Kơnràñ, mơ Kơnràñ sơm bol khai in bòi jơh.

Jơnau Niam Jat Mak 3:10

Bơh Kơnràñ neh sơmbòi oă cau kòp jê gen tàng cau lơi gơs bơta kòp jê lơi kung ntềt sơrlèt nàng ƀư di Kơnràñ.

Jơnau Niam Jat Mak 5:29

Tŭ hơ̆ mo mhàm ò pìng tai. Khai git tòm să khai neh geh bòi rau.

Jơnau Niam Jat Mak 5:34

Yàng Jesu đơs mơ khai lah: “Ơ kòn ùr, bơta dòn ai neh sơmbòi ai. Rê tĕ lơngap lơngai, mơ geh bòi tĕ kòp ai dê.”

Luka 7:20

Tòm tŭ bàr nă cau bơtê tus hơ Yàng Jesu, gen đơs lah: “Jang Ƀaptis sồr bol hi tus lùp ồng: ‘Ồng la Bơtau pal tus, hala bol hi pal gơn Bơtau ndai taih?’”

Hebrơ 12:6

Bơh Kơnràñ lơh glài tơmàl di cau lơi Kơnràñ kòñ gơboh, Cau lơi Kơnràñ dòp la kòn gen ai gai ai mơng.”