Luka 7:2 - Sră Goh 2018

² Gơs dô nă cau dĭ gơna kòñ gơboh cau at dô rhiang ling dê kòp mòr chơt.

Luka 7:2 Mawu Ofanana

Sơnròp Gơlik Gơs 24:27

mơ đơs lah: “Pal jòng ro Yàng Jehôwa la Yàng Tom Trồ Abraham cau tòm añ jê! Kơnràñ ò sang bơta kòñ nđàc mơ jơnau song Kơnràñ dê bơh cau tòm añ jê. Ai să tòm añ, Yàng Jehôwa neh lam añ tus hơ hìu oh mi cau tòm añ jê.”

Sơnròp Gơlik Gơs 35:8

Tŭ hơ̆, Debôra, cau ròng Rebeka chơt mơ tơp hơđơm Betel di tòm cha, tiah hơ̆ cau sơnđan la Alôn Bakut.

Sră Jop 31:5

Dilah añ neh lòt tòm gùng dô bă ma blac, Mơ jơng añ sơrbac sơrbang ting jat bơta blac pơrlồm,

Jơnau Pơnđik 29:21

Cau lơi gơwèt niam mơ cau dong broă he bơh tŭ khai gam kơnòm să, ngai tơnơ̆ rơp gŏ khai gơlik gơs kòn klau he dê.

Mathiơ 27:54

Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.”

Luka 23:47

Cau at dô rhiang ling gŏ bơta neh gơlik gơs, gen jòng ro Yàng Tom Trồ mơ đơs lah: “Do ngan la cau song ring.”

Luka 7:1

Dơ̆ Yàng Jesu đơs jơh ală jơnau hơ̆ làng bol in iat rau, gen Kơnràñ mut tòm Kapenaum.

Luka 7:3

Dơ̆ khai kơno pơnro bơh Yàng Jesu, gen sồr ală cau kwang kra làng bol Juda dê lòt dan mơ Kơnràñ tus sơmbòi cau dĭ gơna khai in.

Luka 8:42

bơh khai gơs mìng dô nă kòn ùr pơgap jơt bàr sơnam, mòr chơt. Tòm tŭ Kơnràñ lòt gen làng bol ntềt di Kơnràñ.

Broă 10:1

Tòm ƀòn dờng Sesare, gơs dô nă cau sơnđan la Kornai, la cau at dô rhiang ling tòm mpồl ling Itali dê.

Broă 10:7

Tòm tŭ cau gơnrơh đơs mơ khai neh lòt rau, gen Kornai hòi bàr nă cau dong broă khai dê mơ dô nă cau ling duh rngòt ơm hơđơm gơnoar he dê,

Broă 22:26

Dơ̆ kơno ală jơnau hơ̆, gen cau at dô rhiang ling lòt yal mơ cau kwang ling lah: “Ñchi ồng mong lơh taih, bơh cau do la làng bol Rôma dê.”

Broă 23:17

Gen Pol hòi dô nă cau at dô rhiang ling, mơ đơs lah: “Cèng tĕ oh pơnu do lòt tus hơ cau kwang ling, khai gơs jơnau kòñ yal mơ ồng hơ̆.”

Broă 27:1

Tòm tŭ neh lơh nền lah bol hi pal lòt mơ ơhò nàng tiă hơ lơgar Itali, bol hơ̆ jào Pol bal mơ bàr pe nă cau ơm jàm ndai tòm tê dô nă cau at dô rhiang ling, sơnđan la Julius, bal mơ mpồl ling Ôgustơ.

Broă 27:3

Ngai tơnơ̆, bol hi lòt tus hơ Sidôn, gen Julius gơwèt niam mơ Pol, ai khai in gơnoar lòt còp oh mi khai, mơ lòi bol khai dong kòl Pol.

Broă 27:43

Mơya cau at dô rhiang ling kòñ dong klàs Pol, gen tàng kơryan bol khai lơh jat bơta bơyai hơ̆. Khai sồr cau git re, gen ntruñ tĕ lài tòm dà nàng re guh hơđang ƀòng dà,

Kôlôse 3:22

Ơ cau la dĭ gơna, tòm jơh ală bơta dòn duh tĕ cau tòm mê dê jat đah poac să, ò di bơh bơta duh broă di đap mat cau, be cau kòñ lơh niam nùs cau, mơya bơh duh rngòt di Yàng, ai tĕ nùs song ngan mơ duh broă.