Luka 7:14 - Sră Goh 2018

¹⁴ Gen Kơnràñ tus rềp, ƀư di bòng ƀồc, gen ală cau tùng dơh wơl. Mơ Kơnràñ đơs lah: “Ơ cau pơnu, Añ sồr mê guh tĕ.”

Luka 7:14 Mawu Ofanana

I Ală Bơtau 17:21

Khai bic hơđang să kòn dềt pe dơ̆, mơ hòi dan tai mơ Jehôwa Yàng Tom Trồ lah: “Ơ Jehôwa Yàng Tom Trồ añ jê! Dan Yàng ai bơta kis kòn dềt do mut wơl tòm să khai.”

I Ală Bơtau 17:22

Gen Yàng Jehôwa dòp jơnau Eli dê; mơ bơta kis kòn dềt rê wơl tòm să khai, mơ khai kis wơl.

Sră Jop 14:12

Kung behơ̆, kòn mơnus neh bic rau gen ò guh tai; Jơl tus di tŭ ală tap trồ ò gam tai, bol khai kung ò kah rngal, hala guh bơh bơta bic lơhă bol khai dê.

Sră Jop 14:14

Dilah kòn mơnus chơt, khai rơp kis wơl sơl? Jơh ală ngai bòl glar duh broă añ jê, Añ kơp gơn jơl tus di tŭ bơta hồ toh añ jê neh tus.

Đơs Crih 33:9

Bơh Kơnràñ đơs, gen phan gơlik gơs; Kơnràñ sồr, gen gơ ơm kơ̆.

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Jơnau Niam Jat Mak 5:41

Kơnràñ at di tê khai mơ đơs lah: “Talitha koumi!” Gơtha la: “Ơ kòn ùr, Añ sồr ai guh tĕ!”

Luka 7:13

Yàng gŏ cau ùr hơ̆ gen gơs nùs nđàc sơngit mơ đơs lah: “Bañ ñìm.”

Luka 7:15

Chòp cau chơt guh mo mơ sơntòm đơs. Gen Kơnràñ jào khai mè khai in.

Luka 7:17

Jơnau do pơnro làm Jude mơ jơh tiah gùt dar.

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Jang 5:21

Bơh Bèp lơh ală cau chơt in kis wơl be lơi, gen Kòn kung ai bơta kis cau lơi in, jat be Kòn kòñ behơ̆ sơl.

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Rôma 4:17

be Sră Goh neh cih lah: “Añ neh bơtào mê lơh gơs bèp oă làng bol dê,” di đap Yàng Tom Trồ la Bơtau khai neh dòn, hơ̆ la Bơtau ai bơta kis cau chơt in, mơ hòi ală bơta ò gơs be neh gơs rau.

Ephesô 5:12

bơh ală bơta bol khai lơh tòm tiah ndơp ndơr, đơs bơh bơta hơ̆ gen neh ƀàssìl rau.