Luka 7:12 - Sră Goh 2018

¹² Dơ̆ neh tus rềp di mpồng ƀòn dờng, ne, cau tùng tơlik dô nă cau chơt, la kòn klau dô nă mè khai dê, la ùr bơnrau; gơs oă cau tòm ƀòn dờng lòt bal mơ khai.

Luka 7:12 Mawu Ofanana

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

Sơnròp Gơlik Gơs 22:2

Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

II Samuel 14:7

Tŭ do jơh hìu nhă guh sòdră di cau duh broă bơtau dê; bol khai đơs lah: ‘Jào tĕ bol hi in cau neh tơnchơt oh khai tồ bol hi tơnchơt khai nàng sal tê oh khai in mơ khai neh tơnchơt; mơ bol hi kung tă gơnoar pơrdòn sre brê tai sơl.’ Bol khai kòñ tơnchơt dô nơm lơmpiat ồs gam wơl añ in, ò lòi wơl bau klau añ in sơnđan hala jơi bơtiàn lơi hơđang plai ù.”

I Ală Bơtau 17:12

Mơya cau ùr ho lah: “Añ sơnio bơta kis Jehôwa Yàng Tom Trồ ồng dê mơ srat să lah, añ ò gơs piang lă, mìng dô sơmbat kơmbuh phe tòm yang mơ dô êt mơñà tòm gri lơm; tŭ do añ dòñ dô êt lòng, gen añ rê hìu rcang piang lă añ mơ kòn klau añ; bol hi sa rau, gen chơt.”

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

I Ală Bơtau 17:23

Eli kơnđu kòn dềt, cèng khai mù bơh ơdŭ hơđang, mut tòm hìu hơđơm, jào khai mè khai in mơ đơs lah: “Sền do, kòn klau ai dê gam kis.”

I Ală Bơtau 17:9

“Tŭ do, lòt tus tĕ hơ Jarepta, tiah gơrê bal mơ Sidôn, mơ ơm wơl tềng hơ̆; bơh Añ neh sồr dô nă cau ùr bơnrau tòm ƀòn hơ̆ ròng siam mê.”

II Ală Bơtau 4:16

Elise đơs mơ cau ùr lah: “Nam tơnơ̆, di di tŭ do, ai rơp kơnđu dô nă kòn klau.” Khai đơs: “Ơ yàng añ, la cau Yàng Tom Trồ dê! Dan bañ đơs pơrlồm mơ dĭ ùr yàng dê.”

II Ală Bơtau 4:20

Cau dong broă cèng khai rê, jào mè khai in; kòn dềt nggui hơđang gơltang mè khai dê tus nggùl ngai, gen khai chơt.

Sră Jop 29:13

Cau dồn sa ai lơngai añ in, mơ añ lơh nùs cau ùr bơnrau đơs chò bơh hòn chò.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Luka 7:11

Tơnơ̆ mơ hơ̆ dô êt jŏ, tòm tŭ Yàng Jesu lòt tus hơ ƀòn dờng ne sơnđan la Nain, gơs ală cau bơtê mơ mpồl làng bol oă lòt bal mơ Kơnràñ.

Luka 7:13

Yàng gŏ cau ùr hơ̆ gen gơs nùs nđàc sơngit mơ đơs lah: “Bañ ñìm.”

Luka 8:42

bơh khai gơs mìng dô nă kòn ùr pơgap jơt bàr sơnam, mòr chơt. Tòm tŭ Kơnràñ lòt gen làng bol ntềt di Kơnràñ.

Luka 8:52

Cau lơi kung ñìm rac tur ntơh bơh kòn hơ̆. Mơya Kơnràñ sồr lah: “Bañ ñìm, kòn ùr do ò chơt ò, mơya khai bic lơhă gơ dê.”

Jang 11:19

Gen tàng oă cau Juda tus pơndòm pơniang Mathe mơ Mari bơh bi bol khai dê.

Broă 9:39

Pier ñă lòt bal mơ bol khai. Neh tus tềng hơ̆ rau, cau lam Pier tus tòm ơdŭ tap hơđang; jơh ală cau ùr bơnrau ntào di gah Pier mơ ñìm, mơ tơyơr sơnio khai in sền ală ào jrùh mơ ồi ào ndai mơ Dorkas neh jing bol khai in tòm tŭ khai gam kis.

Broă 9:41

Pier ai tê yò tơngguh khai in ntào, gen hòi ală cau sàng goh mơ ală cau ùr bơnrau tus sơnio bol khai in mò neh kis.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.