Luka 5:8 - Sră Goh 2018

⁸ Simôn Pier gŏ behơ̆, gen cùn gơltang di đap Yàng Jesu mơ đơs lah: “Ơ Yàng, dan lik tĕ bơh di añ, bơh añ la cau glài.”

Luka 5:8 Mawu Ofanana

II Samuel 6:9

Tòm ngai hơ̆, Dabit rngòt di Yàng Jehôwa mơ đơs lah: “Mbe Đài Yàng Jehôwa dê rgơi ơm tòm bơta sền gàr añ jê taih?”

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

Sră Jop 40:4

Mê gơs dô nơm tơwòr tê kung be Yàng Tom Trồ sơl? Mơ mê rgơi lơh ntơr kơnàs be Kơnràñ sơl?

Lik Ejiptơ 20:19

Bol khai đơs mơ Môise lah: “Ồng đơs tĕ mơ bol hi gen bol hi rơp iat, mơya bañ lòi Yàng Tom Trồ đơs mơ bol hi, rngòt bol hi pal chơt.”

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Mathiơ 17:6

Dơ̆ ală cau bơtê kơno jơnau hơ̆ gen gơ blup mat tòm ù mơ rngòt rngơt ngan.

Mathiơ 2:11

Bol khai mut tòm hìu, gŏ kòn dềt bal mơ Mari mè Kơnràñ, gen tơmbic să mơ duh khoai Kơnràñ. Gen bol khai pò ală phan màng mơ ơn Kơnràñ in la màh, kơlhô mơ cài trŭ.

Mathiơ 8:8

Cau at dô rhiang ling ho lah: “Ơ Yàng, añ ò di pal nàng Kơnràñ in mut tòm hìu añ. Dan đơs mìng dô jơnau lơm gen cau dĭ gơna añ jê rơp geh bòi.

Luka 5:7

Gen bol khai kwài tê hòi oh mi bơyô lơh broă bal tòm ơhò ne lòt tus nàng dong kòl. Bol hơ̆ tus, pơdiang ka bềng bàr nơm ơhò, tian gơs ơhò mòr gơkram.

Luka 5:9

Bơh khai mơ jơh ală cau ơm mơ khai ai lơh crih crài oă ngan bơh bơta kup ka do,

Jang 11:32

Tòm tŭ tus di tiah Yàng Jesu mơ gŏ Kơnràñ, gen Mari tơmbic să di jơng Kơnràñ mơ đơs lah: “Ơ Yàng, dilah gơs Yàng tềng do, gen bi añ ò chơt.”

I Kôrintô 13:12

Tŭ do bol he sền ò loh be sền tòm krơh lu li, mơya tòm tŭ hơ̆ mat tòm toh mơ mat; tŭ do añ git ò wil tơl, mơya tòm tŭ hơ̆ añ rơp git jơh kung be Yàng neh git loh bơh añ.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Ală Kwang Cahrña 13:22

Khai đơs mơ bau ùr khai dê lah: “Ngan bol he rơp chơt tài bơh bol he neh gŏ Yàng Tom Trồ.”

I Samuel 6:20

Gen ală làng bol Bet Semes đơs lah: “Ñcau rgơi ntào di đap mat Yàng Jehôwa la Yàng Tom Trồ sàng goh do taih? Kơnràñ rơp lòt tus hơ ñcau nàng bol he rgơi klàs bơh Kơnràñ taih?”