Luka 5:34 - Sră Goh 2018

³⁴ Kơnràñ ho mơ bol khai lah: “Bol mê rgơi bơklơn ală cau nac tus ñô sa tòmbau ơt sa tòm tŭ cau bơrtơu gam ơm bal mơ bol khai ơ?

Luka 5:34 Mawu Ofanana

Đơs Chò 5:8

Ơ ală kòn ùr Jerusalem, añ rac dan mơ bol ai, dilah bol ai bàn cau kòñ gơboh añ jê, yal tĕ mơ khai lah: añ gơs kòp jê bơh bơta kòñ gơboh.

Đơs Chò 6:1

Ơ cau hàng mơnĕ rlau jơh tòm ală cau ùr, cau kòñ gơboh ai dê ntềng đah taih? Cau kòñ gơboh ai dê lòt đah lơi taih? Bol hi rơp lòt bal mơ ai nàng jòi khai.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Mathiơ 22:2

“Lơgar đang trồ kung be dô nă cau bơtau ne lơh dô bơta yò sa tòmbau kòn klau khai in.

Mathiơ 9:15

Yàng Jesu ho lah: “Tòm tŭ cau bơrtơu gam ơm mơ oh mi bơyô he, gen bol khai rgơi moat jrùng sơl? Mơya tus di tŭ cau bơrtơu geh cèng lik bơh bol khai, gen sồng bol khai ơt sa.

Luka 5:33

Bol khai đơs mơ Kơnràñ lah: “Ală cau bơtê Jang dê òs ơt sa mơ hòi dan, ală cau bơtê cau Pharisi kung behơ̆ sơl, ai ală cau bơtê ồng dê mìng git sa mơ ñô lơm.”

Luka 5:35

Mơya ală ngai tơnơ̆ hơ̆ la tŭ cau tă bơrtơu lik bơh di bol khai, gen tŭ hơ̆ sồng bol khai ơt sa.”

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.