Luka 5:32 - Sră Goh 2018

³² Añ tus ò di nàng hòi cau song ring, mơya nàng hòi cau glài gơjrañ sang glài.”

Luka 5:32 Mawu Ofanana

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Jơnau Niam Jat Mak 15:10

Bơh khai git loh ală cau gơnoar lam bồ ơn phan duh khoai bơtào Yàng Jesu bơh nùs ƀoah gơjrañ.

Jơnau Niam Jat Mak 15:7

Tŭ hơ̆ gơs dô nă cau sơnđan la Baraba neh kòl jàm bal mơ cau phà kơñau, la cau neh tơnchơt cau tòm tŭ tòmdră.

Jơnau Niam Jat Mak 2:17

Yàng Jesu kơno behơ̆ gen đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê; Añ tus ò di nàng hòi cau song ring ò, mơya nàng hòi cau glài.”

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 5:31

Yàng Jesu đơs mơ bol khai lah: “Cau pràn kơldang ò càng cau gơnoar sơnơm ò, mơya la cau kòp jê.

Luka 5:33

Bol khai đơs mơ Kơnràñ lah: “Ală cau bơtê Jang dê òs ơt sa mơ hòi dan, ală cau bơtê cau Pharisi kung behơ̆ sơl, ai ală cau bơtê ồng dê mìng git sa mơ ñô lơm.”

Broă 17:30

Yàng Tom Trồ ò kòp ală rài cau òhềt git Kơnràñ ò, mơya tŭ do Kơnràñ sồr jơh ală cau tòm kòp bă tiah pal gơjrañ sang glài,

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.