Luka 4:25 - Sră Goh 2018

²⁵ Añ đơs song mơ bol mê, tòm rài Eli tòm trồ gơkòl til kơ̆ tòm pe nam prau kơnhai, jơh lơgar gơs jơgloh rung dờng; tŭ hơ̆ tòm Israel gơs oă cau ùr bơnrau,

Luka 4:25 Mawu Ofanana

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Esai 55:8

“Bơh ală bơta kơlôi sơnơng Añ jê ò di la ală bơta kơlôi sơnơng bol mê dê, hala ală gùng dà bol mê dê kung ò di la ală gùng dà Añ jê.” Yàng Jehôwa đơs behơ̆.

Mathiơ 20:15

Ò di, añ ò gơs gơnoar ngui phan mơna añ jê jat nùs kòñ añ ò ơ? Hala bi gơs nùs ƀoah gơjrañ tài bơh añ sơrmah sơrmài ơ?’

Luka 10:21

Kung tòm jơ hơ̆, Yàng Jesu geh hòn chò tòm Yàng Hwềng Goh mơ đơs lah: “Ơ Bèp la Yàng trồ tiah dê, Añ ưnngài Bèp, bơh Bèp neh pồn ală bơta do bơh di ală cau jak chài àng loh, mơ yal tơlik ală kơnòm dềt in. Ngan, ơ Bèp, bơh bơta hơ̆ niam nùs Bèp.

Rôma 9:15

Bơh Kơnràñ neh đơs mơ Môise lah: “Añ rơp kòñ nđàc di cau Añ kòñ nđàc, Añ rơp nđàc sơngit di cau Añ nđàc sơngit.”

Rôma 9:20

Mơya, ơ cau ne, mê la ñcau mơ khin pơndang wơl mơ Yàng Tom Trồ taih? Dô nơm gri mơ ù rgơi đơs tơrwơl mơ cau mòn gơ lah: “Ñchi bơh tài mê neh mòn añ be do sơl ơ?”

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Jakơ 5:17

Eli la cau be bol he, mơ tòm tŭ khai jơh nùs hòi dan nàng ò gơs mìu, gen ò gơs mìu hơđang ù tòm pe sơnam mơ prau kơnhai.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.