Luka 4:2 - Sră Goh 2018

² Tềng hơ̆, Kơnràñ kong cà ràk ơniai tòm poan jơt ngai. Tòm ală ngai hơ̆, Kơnràñ ò sa phan lơi; tơngai neh tơl rau gen Kơnràñ jơgloh.

Luka 4:2 Mawu Ofanana

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

I Ală Bơtau 19:8

Khai guh sa mơ hùc, gen khai geh pràn bơh phan sa hơ̆ mơ khai lòt gùng poan jơt ngai mơ poan jơt mơnang tus hơ Hôrep, la mơnơm Yàng Tom Trồ dê.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Lik Ejiptơ 24:18

Môise guh hơđang mơnơm gen khai mut tòm mhwal. Mơ khai ơm hơđang mơnơm tòm poan jơt ngai mơ poan jơt mang.

Lik Ejiptơ 34:28

Môise ơm tềng hơ̆ bal mơ Yàng Jehôwa tòm poan jơt ngai mơ poan jơt mang, ò sa piang lă hala hùc dà. Mơ Yàng Jehôwa cih hơđang ală mpàn lŭ ală jơnau bơta ho bal dê, hơ̆ la Jơt Bơta Sồr Lam.

Jôna 3:7

Gen bơtau ai jơnau sồr tòm ƀòn Ninibe lah: “Jat jơnau sồr cau bơtau dê bal mơ ală cau kwang dờng at bồ dê lah: bulah cau hala phan poan jơng, mpồl kơnrồ hala mpồl belàt ò geh sa liap phan lơi, jơh ală rơp ò geh sa hala hùc dà.

Mathiơ 21:18

Àng drim hìng tòm tŭ rê wơl hơ ƀòn dờng gen Kơnràñ jơgloh.

Mathiơ 4:2

Tòm tŭ neh ơt sa poan jơt ngai mơ poan jơt mơnang, gen Kơnràñ jơgloh.

Luka 4:3

Cà ràk đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ lŭ do gơlik gơs piang lă.”

Jang 4:6

Tềng hơ̆ gơs tơrlung Jakôp dê. Tài bơh lòt gùng bòl glar, gen tàng Yàng Jesu nggui rềp di gah tơrlung. Tŭ hơ̆ la jơt bàr jơ, gùl ngai.

Yal Wơl 9:18

Lồc behơ̆, dô dơ̆ tai añ cùn khoai di đap Yàng Jehôwa tòm poan jơt ngai mơ poan jơt mang; añ ò sa piang lă kung ò hùc dà sơl, tài bơh jơh ală bơta tồi glài mơ bol mê neh lơh tìs, lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ.

Yal Wơl 9:25

Añ cùn khoai di đap Yàng Jehôwa tòm poan jơt ngai mơ poan jơt mang hơ̆, tài bơh Yàng Jehôwa neh đơs lah Kơnràñ rơp tơnroh bol mê.

Yal Wơl 9:9

Tòm tŭ añ guh hơđang mơnơm nàng dòp ală mpàn lŭ, ală mpàn bơta ho bal mơ Yàng Jehôwa neh bơtào mơ bol mê, añ ơm hơđang mơnơm poan jơt ngai mơ poan jơt mang; añ ò sa piang lă mơ ò hùc dà.

Hebrơ 2:18

Bơh să tòm Kơnràñ neh kong bòl glar jê sồt tòm tŭ tìp bơta ơniai, gen tàng rgơi dong kòl ală cau tìp bơta ơniai sơl.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

I Samuel 17:16

Cau Philistin lik ntào ràng să khai behơ̆ drim mơ mho tòm poan jơt ngai.