Luka 4:18 - Sră Goh 2018

¹⁸ “Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Luka 4:18 Mawu Ofanana

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

II Yal Yau 34:27

‘Tài bơh nùs mê neh rcang sir nàng lơh jat mơ mê neh tơnliah să tòm mê di đap Yàng Tom Trồ tòm tŭ mê neh kơno ală jơnau Kơnràñ neh đơs tòmdră mơ tiah do mơ làng bol gơ dê, mơ tài bơh mê neh tơnliah să tòm mê di đap Añ mơ neh crè ào jrùh mê dê mơ ñìm di đap mat Añ, Añ neh kơno jơnau mê dê, Yàng Jehôwa đơs behơ̆.

Đơs Crih 102:20

Nàng kơno jơnau ñìm rac cau ơm jàm dê, Mơ hồ toh cau kòl lơh nền chơt;

Đơs Crih 147:3

Kơnràñ sơmbòi cau gơs nùs jê sồt moat jrùng, Mơ pùt tiah sồt bol khai dê.

Đơs Crih 2:2

Ală bơtau tòm dunnia bơtào tơngguh, Ală kwang bàng tòmbơyai bal, Sòdră di Yàng Jehôwa mơ di Bơtau geh bong mơñà Kơnràñ dê mơ lah:

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 34:18

Yàng Jehôwa ơm rềp mơ ală cau gơs nùs jê sồt, Mơ dong klàs ală cau ò gam gơs bơta gơn kơnòm.

Đơs Crih 45:7

Bơtau kòñ gơboh bơta song ring, gơjrañ kơuềng di bơta iơh bơsak. Gen tàng Yàng Tom Trồ, la Yàng Tom Trồ bơtau dê, Neh ai bơtau in bơta hòn chò be bong mơñà di bơtau, rlau mơ ală gơp bơyô bơtau dê.

Đơs Crih 51:17

Phan ơn duh khoai niam nùs Yàng Tom Trồ dê hơ̆ la hwềng nùs jê sồt; Ơ Yàng Tom Trồ, nùs jê sồt moat jrùng, Yàng ò di sền òsơp ò.

Esai 32:3

Gen mat cau sền gŏ rơp ò ñềm wơl, ală tồr cau iat rơp kơno loh làng.

Esai 35:5

Gen mat cau jơngo rơp geh àng, tồr cau tĭ rơp geh kơno.

Esai 42:7

nàng pò mat cau jơngo in, hồ cau kòl krơ̆ bơh hìu jàm, mơ toh cau nggui tòm tiah jơngo hìu jàm dê.

Esai 45:13

Añ rơp tơngguh Sirus tòm bơta song ring, Añ rơp bơsong jơh ală gùng dà khai dê. Khai rơp bơt bơtào wơl ƀòn dờng Añ jê, mơ hồ toh ală cau kong kup cèng Añ jê geh khat gơboh, mơya ò di bơh khà jền hala nàng geh phan ƀàn, Yàng Jehôwa Gơnap Gơnoar Dờng đơs behơ̆.”

Esai 49:9

nàng đơs mơ ală cau ơm jàm lah: ‘Lik tĕ,’ mơ đơs mơ ală cau ơm tòm klam jơngo lah: ‘Lòt khat gơboh tĕ!’ Bol khai rơp geh ròng siam di gah ală gùng, mơ geh ƀlàng ñhơt hơđang kòp nơm dòr kơlờl.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Sôphôni 3:12

Mơya Añ rơp lòi wơl digùl bol mê ală cau lơbơn niam mơ tơnliah să. Bol khai rơp jòi jat mơ kìng crŭ tòm sơnđan Yàng Jehôwa dê.

Sacari 11:11

Gơ neh kòl gơltac sang tòm ngai hơ̆; mơ ală belàt kòl cèng tac, la ală belàt neh kơp gơn Añ, bol gơ git hơ̆ la jơnau Yàng Jehôwa dê.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 12:18

“Ne, Cau Duh Broă Añ, la Cau Añ neh sac rwah, La Cau kòñ gơboh Añ jê, niam nùs Añ tòm jơh ală bơta. Añ rơp ai Hwềng Goh Añ ơm hơđang Khai, Mơ Khai rơp yal bơta cahrña song ngan làng bol Bơdìh in.

Mathiơ 12:20

Khai rơp ò dơrkă gai proh neh pă pơnie rau, mơ ò tơnchơt ồs mòr chơt dê brài đèng, Jơl tus di tŭ Khai lơh bơta song ngan in geh pha rlau.

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Luka 4:17

Gơs cau tong Sră cau gơnoar hwơr Esai Kơnràñ in. Kơnràñ pò Sră di di tiah gơs cih lah:

Luka 6:20

Yàng Jesu tơnggòr sền ală cau bơtê mơ đơs lah: “Lơngai bol mê in la cau rƀah lơòi, bơh lơgar Yàng Tom Trồ la bal mơ bol mê!

Luka 7:22

Kơnràñ ho lah: “Rê tĕ yal Jang in ală bơta bol mê neh gŏ mơ kơno: cau jơngo gơs àng, cau kwet gơlte gơs lòt, cau dun gơs goh, cau tĭ gơs klo, cau chơt gơs kis wơl, mơ cau rƀah lơòi gơs kơno bơto yal Jơnau Niam.

Jang 1:41

Sơnròp ngan khai bàn bi khai dê la Simôn gen đơs lah: “Bol hi neh tìp Bơtau Mesi,” (gơtha la Bơtau Krist).

Jang 12:46

Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 4:26

Ală bơtau tòm ù riap dô nùs tơngguh, Ală cau kwang pơjum bal dô bă, Nàng tòmdră mơ Yàng, mơ Bơtau neh geh bong mơñà Kơnràñ dê.’

Broă 4:27

Ngan behơ̆, Herôt mơ Bônsơ Pilat bal mơ ală làng bol bơdìh mơ làng bol Israel sơl, neh pơjum bal dô bă tòm ƀòn dờng do nàng tòmdră mơ Cau Duh Broă sàng goh Kơnràñ dê la Yàng Jesu, mơ Kơnràñ neh bong mơñà,

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.