Luka 3:11 - Sră Goh 2018

¹¹ Khai ho lah: “Cau lơi gơs bàr blah ào, tòmpà tĕ cau ò gơs in; mơ cau lơi gơs phan sa, kung lơh tĕ behơ̆ sơl.”

Luka 3:11 Mawu Ofanana

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Luka 18:22

Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

Jang 13:29

Gơs cau ƀà tồnlah tài bơh Juda gơs kơldung priă, gen tàng Yàng Jesu đơs mơ khai lah: Rwat tĕ phan bol he kòñ ngui tòm tŭ pơjum sa, hala pal pà phan lơi cau rƀah lơòi in.

Broă 10:2

Khai la dô nă cau dòn duh, bal mơ jơh hìu nhă khai duh rngòt di Yàng Tom Trồ lơm, jak pà gòi làng bol in, òs hòi dan mơ Yàng Tom Trồ sùm.

Broă 10:31

mơ đơs lah: ‘Ơ Kornai, jơnau hòi dan mê dê neh geh kơno rau, bơta pà gòi mê dê neh geh Yàng Tom Trồ cih kah.

Broă 10:4

Khai rngòt rngơt sền trol di cau gơnrơh, mơ đơs lah: “Ơ Yàng, gơs ñchi broă taih?” Cau gơnrơh ho lah: “Jơnau hòi dan mơ bơta pà gòi mê dê neh guh tus hơ Yàng Tom Trồ, mơ Kơnràñ neh cih kah rau.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Jakơ 2:14

Ơ oh mi añ jê, dilah cau lơi đơs lah he gơs bơta dòn, mơya ò gơs broă lơh, gen ñchi kwơ taih? Bơta dòn hơ̆ rgơi dong klàs cau hơ̆ sơl?

I Jang 3:17

Dilah cau lơi gơs phan mơna dunnia dê, mơ gŏ oh mi he rƀah lơòi, mơ ò gơs nùs ơnàng, gen nùs kòñ gơboh Yàng Tom Trồ dê mbe rgơi ơm tòm cau hơ̆ taih?

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.