Luka 23:2 - Sră Goh 2018

² Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Luka 23:2 Mawu Ofanana

I Ală Bơtau 18:17

Tòm tŭ Ahap gŏ Eli, gen khai đơs lah: “Hơ̆ la mê, cau lơh sơlồng sơlàng Israel sơl?”

Đơs Crih 35:11

Ală cau lơh cơng iơh rmơh bơtào tơngguh, Bol khai lùp añ ală bơta añ ò git.

Đơs Crih 62:4

Bol khai mìng tòmbơyai nàng tơmù khai bơh di tiah jòng màng khai dê. Bol khai niam nùs di bơta blac chừt. Bơr bol khai đơs ai lơngai, Mơya tòm nùs bol khai gơs srat rma. (Selah)

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Amôs 7:10

Gen Amajiah, cau gơnoar ơn phan duh khoai Betel dê, pơyoa jơnau đơs mơ Jerôbôam la bơtau Israel dê lah: “Amôs bơtào kai gơrmơ̆i tòmdră mơ bơtau tòm làm bă tiah digùl hìu Israel. Lơgar ò rgơi ơnòng jai jơh ală jơnau khai dê.

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Mathiơ 17:27

Mơya tồ bol he ò lơh kai gơtup tìs bol khai in, gen lòt tĕ đàr ka tòm dàlềng, kup ka lơi mê geh lài. Mê tè bơr gơ gen rơp gŏ dô đong priă, ai tĕ mơ boh dia Añ mơ mê in.”

Mathiơ 22:21

Bol khai ho lah: “Sesa dê.” Gen Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Mathiơ 27:11

Yàng Jesu ntào di đap cau kwang đơng lơgar. Cau kwang lùp lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.”

Jơnau Niam Jat Mak 12:17

Yàng Jesu đơs lah: “Tơm wơl tĕ bơtau in phan lơi bơtau dê, mơ tơm wơl tĕ Yàng Tom Trồ in phan lơi Yàng Tom Trồ dê.” Bol khai ai lơh krơi ngan bơh Yàng Jesu.

Jơnau Niam Jat Mak 15:2

Pilat lùp Kơnràñ lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.”

Luka 23:14

mơ đơs lah: “Bol mê neh cèng jào cau do añ in, yă khai chồl bơtrut làng bol do, añ neh sền sơwì khai di đap bol mê, mơya ò gŏ khai gơs glài lơi tòm ală bơta bol mê neh yă.

Luka 23:5

Mơya bol khai đơs nền cê lah: “Cau do chồl bơtrut làng bol, bơto sồr làm Jude, sơntòm bơh Galile tus tềng do.”

Jang 18:29

Behơ̆ Pilat lik, lòt tus hơ bol khai mơ đơs lah: “Bol mê yă cau do bơh bơta lơi taih?”

Jang 18:30

Bol khai ho lah: “Dilah cau do ò di la cau lơh iơh bơsak, gen bol hi ò bơtào khai ồng in.”

Jang 19:12

Tŭ hơ̆ Pilat jòi bơta nàng hồ Kơnràñ, mơya cau Juda driau dờng lah: “Dilah ồng hồ cau do, gen ồng ò di la dòn song mơ Sesa, bơh kòp nă cau lơi bơtào is să khai gơs bơtau gen hơ̆ la tòmdră mơ Sesa!”

Broă 24:13

Tŭ do, bol khai kung ò rgơi ai cơng tàng lơi bơh bơta bol khai yă, tòmdră mơ añ di đap ồng.

Broă 24:5

Ngan behơ̆, bol hi neh gŏ cau do jak tơnggơs bơta iơh, neh lơh gơlik sơlồng sơlàng digùl jơh ală cau Juda tòm làm dunnia, mơ khai la cau lam bồ mpồl cau Nasaret.

Rôma 13:7

Tơm tĕ bol khai in bơta he pal tơm; boh dia tĕ di cau he pal boh dia; tă dia tĕ di phan lơi he pal tă; rngòt tĕ di cau he pal rngòt; ki ngàm tĕ di cau he pal ki.