Luka 21:8 - Sră Goh 2018

⁸ Kơnràñ đơs lah: “Kơrhia tĕ, rngòt bol mê gơkòl pơrlồm tìs nrah mòn, bơh gơs oă cau rơp ai sơnđan Añ lòt tus mơ đơs lah: ‘Añ la Krist!’ mơ lah: ‘Tŭ tơngai neh tus rềp.’ Bol mê bañ lòt jat bol khai.

Luka 21:8 Mawu Ofanana

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Mathiơ 24:11

Oă cau gơnoar hwơr ma blac rơp tơlik să mơ pơrlồm oă cau.

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 4:17

Bơh tŭ hơ̆, Yàng Jesu sơntòm bơto yal lah: “Bol mê gơjrañ sang glài tĕ, bơh lơgar đang trồ neh tus rềp.”

Luka 17:23

Cau rơp đơs mơ bol mê lah: ‘Kơnràñ ơm tềng do’ hala ‘Kơnràñ ơm tềng ne’ gen bañ lòt, kung bañ jat bol khai.

Luka 21:7

Bol khai lùp Kơnràñ lah: “Ơ Cau Bơto, tŭ lơi rơp gơlik gơs ală bơta hơ̆, mơ dơ̆ ală bơta hơ̆ mòr gơlik tus gen gơs tềl krơi lơi taih?”

Luka 21:9

Tòm tŭ bol mê rơp kơno đơs bơh kơlìn gơtoă mơ nggồr nggàc, bañ rngòt rngơt; bơh ală bơta hơ̆ pal gơlik tus lài, mơya òhềt la tŭ lồi dut.”

Jang 5:43

Añ neh ai sơnđan Bèp Añ mơ lòt tus, mơ bol mê ò dòp Añ. Dilah gơs cau ndai ai sơnđan is he dê mơ lòt tus, gen bol mê rơp dòp khai.

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Jang 8:28

Behơ̆ Yàng Jesu đơs lah: “Tòm tŭ bol mê yồng Kòn Mơnus hơđang, tŭ hơ̆ bol mê rơp git Añ la Bơtau neh gơs mơ gam gơs, mơ git Añ ò lơh is bơta lơi, mơya Añ mìng yal wơl ală bơta Bèp neh bơto Añ.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

II Tesalônika 2:3

Bulah cau ngui bơta lơi kung bañ lòi bol khai pơrlồm oh mi, bơh ngai hơ̆ rơp ò tus jơl tus gơs bơta pơrlơ̆ sang jơnau Yàng tus lài, mơ gơs cau glài dờng, hơ̆ la kòn bơta roh rui rơp geh yal tơlik.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

II Jang 1:7

Bơh neh gơs oă cau blac pơrlồm lik lòt tòm dunnia, la cau ò dòp Yàng Jesu Krist ai poac mhàm mơ lòt tus; hơ̆ la cau blac pơrlồm mơ la cau sòdră di Bơtau Krist.

Yal Tơlik 1:3

Lơngai cau in ai jơnau đơs dờng mơ sền ală jơnau gơnoar hwơr do, mơ lơngai ală cau in iat mơ prap gàr ală bơta neh cih tòm sră do, bơh tŭ tơngai neh rềp rau.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.