Luka 21:10 - Sră Goh 2018

¹⁰ Kơnràñ đơs tai mơ bol khai lah: “Làng bol do rơp bơtào tòmsò mơ làng bol ne, lơgar do tòmlơh mơ lơgar ndai,

Luka 21:10 Mawu Ofanana

Esai 19:2

Añ rơp chồl cau Ejiptơ tòmdră mơ cau Ejiptơ, cau do rơp tòmlơh mơ cau ne, cau gơp ƀòn tòmdră mơ cau gơp ƀòn, ƀòn dờng tòmdră mơ ƀòn dờng, lơgar tòmdră bal mơ lơgar.

Sacari 14:13

Tòm ngai hơ̆, Yàng Jehôwa rơp đùh bơta rngòt rngơt dờng ngan hơđang ală cau. Kòp nă rơp at di tê dô nă cau gơp ƀòn he, mơ bol khai rơp brồ lơh cau do mơ cau ne.

Jơnau Niam Jat Mak 13:8

Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs lơnggơr ù mơ jơgloh rung. Ală bơta hơ̆ mìng la bồ dà bơta jê sồt bòl glar dê.

Luka 21:11

rơp gơs lơnggơr ù dờng, oă tiah gơs jơgloh rung mơ pluh plàng; kung gơs ală broă rngòt cù kìr mơ tềl krơi dờng bơh trồ.

Luka 21:9

Tòm tŭ bol mê rơp kơno đơs bơh kơlìn gơtoă mơ nggồr nggàc, bañ rngòt rngơt; bơh ală bơta hơ̆ pal gơlik tus lài, mơya òhềt la tŭ lồi dut.”

Broă 11:28

Tòm mpồl hơ̆ gơs dô nă cau sơnđan la Agabus geh Yàng Hwềng yal lài, gen khai ntào mơ đơs hwơr lah rơp gơs bơta jơgloh rung dờng tòm làm ù; bơta jơgloh rung hơ̆ gơlik gơs tòm rài bơtau Klaudius.

Hebrơ 12:27

Mơ ală jơnau, “gam dô dơ̆ tai,” yal tơlik lah ală phan òs lơnggơr la ală phan neh geh crơng gơs rơp kòl pơrdô jơh, tồ ală phan ò tŭ lơi lơnggơr gen rơp geh gam wơl.