Luka 20:10 - Sră Goh 2018

¹⁰ Tus di kơnhai pic plai, cau tòm sồr dô nă dĭ lòt tus hơ ală cau lơh suơn nàng dòp cồng nha suơn ño dê, mơya ală cau lơh suơn pù lơh cau dĭ mơ bơtrơh rê gòi.

Luka 20:10 Mawu Ofanana

I Ală Bơtau 22:24

Gen Jedekia, kòn klau Kenana dê, tus rềp hơ Mice mơ pah di tơrmồ khai, mơ lah: “Gùng lơi Hwềng Yàng Jehôwa neh lik bơh añ nàng tus đơs mơ mê taih?”

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

I Yal Yau 19:4

Behơ̆ Hanun kup ală cau Dabit dê, koah sơnò tềp bol khai dê, koh ồi ào di bơnô bol khai dê mơ lòi bol khai rê.

II Yal Yau 16:10

Asa gơhào gơjrañ di cau gơnoar hwơr tài bơh jơnau hơ̆; mơ kup Hanani jàm khai tòm hìu prap phan, bơh bơtau gơhào gơjrañ di khai. Kung tòm tŭ hơ̆, Asa rồn bơklơn iơh rmơh ngan dô êt nă cau tòm làng bol.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 20:2

Gen Pasur pù lơh cau gơnoar hwơr Jeremi, tơndò gơsàng jơng di tiah Mpồng Hơđang Benjamin, gơrê bal mơ hìu Yàng Jehôwa dê.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 5:24

Bol khai ò đơs tòm nùs lah: ‘Bol he duh rngòt tĕ Jehôwa Yàng Tom Trồ he Hơ̆ la Bơtau ai mìu jat kơnhai sơnam Ai mìu bồ sơnam mơ mìu lồi sơnam, Mơ prap gàr bol he in Prap lòi ală poh lơh nền kơnhai toès in.’

Luka 13:34

Ơ Jerusalem, Jerusalem, mê tơnchơt ală cau gơnoar hwơr, cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê be iar me ngkrok ală kòn gơ tus hơđơm đar gơ dê, mơya bol mê ò bài!

Luka 20:11

Cau tòm sồr tai dô nă cau dĭ ndai lòt tus, mơya cau ơpah suơn pù lơh khai, bơtat bơtròh mơ bơtrơh rê gòi.

Luka 20:9

Gen Yàng Jesu yal mơ làng bol jơnau pơnyơu do: “Gơs dô nă cau neh tam dô nơm suơn ño, mơ ai ală cau lơh suơn in ơpah gơ, gen khai lòt hơ lơgar ndai jŏ ngai.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Rôma 7:4

Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.