Luka 2:41 - Sră Goh 2018

⁴¹ Mơ tai, kòp nam tus di bơta pơjum sa Lòt gan, mè bèp Kơnràñ lòt tus hơ Jerusalem.

Luka 2:41 Mawu Ofanana

Lik Ejiptơ 12:11

Bol mê pal sa poac hơ̆ be do: Ào jrùh kơt che but, jơng jă gơltau jă, tê at gai kwềt. Sa tĕ sơrbac sơrbang; hơ̆ la bơta Pơjum Sa Lòt Gan Yàng Jehôwa dê.

Lik Ejiptơ 12:14

Hơ̆ la ngai bol mê pal kah prap; tòm ală rài tơnơ̆ bol mê rơp pơjum hòn chò tòm ngai hơ̆ lơh gơs dô bơta pơjum sa dờng Yàng Jehôwa in, hơ̆ la dô bơta sồr lam gam sùm sùm.

Lik Ejiptơ 34:23

Pe dơ̆ tòm kòp nam, jơh ală cau klau bol mê dê pal tơlik mat di đap Yàng Jehôwa Bơtau At Bồ Hơđang rau Jơh, la Yàng Tom Trồ Israel dê.

Lebi 23:5

Ngai pơjum sa lòt gan Yàng Jehôwa dê rơp sơntòm bơh trồ mho ngai jơt poan kơnhai dùl.

Khà Làng Bol 28:16

“Di di ngai jơt poan kơnhai dùl gen pal pơjum sa Ngai wèr Lòt Gan.

Luka 2:42

Tòm tŭ Yàng Jesu gơs jơt bàr nam, jat òs mòng Kơnràñ lòt tus tòm bơta pơjum sa.

Jang 11:55

Bơta pơjum sa Lòt Gan làng bol Juda dê mòr di. Gơs oă cau bơh ală ƀòn dềt guh hơ ƀòn dờng Jerusalem nàng lơh sàng goh lài mơ bơta pơjum sa.

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 2:13

Bơta pơjum sa Lòt gan làng bol Juda mòr di, Yàng Jesu guh hơ Jerusalem.

Jang 6:4

Tŭ hơ̆, bơta pơjum sa Lòt Gan la dô bơta pơjum sa làng bol Juda dê mòr di.

Yal Wơl 12:11

Gen gơwèt hơ tiah mơ Jehôwa Yàng Tom Trồ bol mê dê rơp sac rwah lơh gơs tiah ơm sùm sơnđan Kơnràñ dê, bol mê rơp cèng tus tềng hơ̆ jơh ală phan mơ añ sồr bol mê: hơ̆ la ală phan ơn chu pơrguc mơ ală phan ơn duh khoai, ală phan pơnah jơt mơ phan ơn jat nùs kòñ, mơ jơh ală phan is bol mê sac rwah neh ho pơgon ơn Yàng Jehôwa in.

Yal Wơl 12:18

Gơpơrlơ̆ wơl, bol mê pal sa ală phan hơ̆ di đap mat Jehôwa Yàng Tom Trồ bol mê dê tòm dô bă tiah mơ Jehôwa Yàng Tom Trồ bol mê dê rơp sac rwah, bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, mơ ală cau Lebi bơh di ală ƀòn dờng bol mê dê, mơ bol mê rơp hòn chò di đap Jehôwa Yàng Tom Trồ bol mê dê bơh jơh ală phan mơ tê bol mê neh lơh gơs.

Yal Wơl 16:16

Kòp nam pe dơ̆, jơh ală cau klau bol mê dê pal gơs mat di đap Jehôwa Yàng Tom Trồ bol mê dê di tiah Kơnràñ rơp sac rwah; di ngai pơjum sa Piang Lă Ò Gơs Kañ, ngai pơjum sa Ală Poh mơ ngai pơjum sa Sàl Ing. Bañ gơs cau lơi tus di đap Yàng Jehôwa mơ mpàng tê gòi.

I Samuel 1:21

Elkana guh bal mơ jơh hìu nhă khai dê nàng ơn phan duh khoai kòp nam Yàng Jehôwa in, mơ nàng tơm wơl bơta khai neh ho pơgon,

I Samuel 1:3

Kòp nam khai òs guh bơh di ƀòn khai dê nàng duh khoai mơ ơn phan duh khoai Yàng Jehôwa Gơnap Gơnoar Dờng Làm Jơh in tòm Silô, tềng hơ̆ gơs bàr nă kòn klau Heli dê la Hôpni mơ Phineas, la ală cau gơnoar ơn phan duh khoai Yàng Jehôwa dê.