Luka 2:4 - Sră Goh 2018

⁴ Bơh Jôsep la bal mơ hìu nhă jơi bơtiàn Dabit dê, gen kung bơh Nasaret tòm Galile guh hơ Jude, tus hơ ƀòn dờng Dabit, sơnđan la Betlehem,

Luka 2:4 Mawu Ofanana

Sơnròp Gơlik Gơs 35:19

Behơ̆ Racel chơt, mơ tơp di gah gùng lòt hơ Ephrata, tềng hơ̆ la Betlehem.

Sơnròp Gơlik Gơs 48:7

Tòm tŭ añ rê bơh Padan hơ lơgar Kanaan, gen Racel chơt di gah añ tòm gùng, rềp mơ Ephrata, mơ añ neh tơp khai di gah gùng lòt hơ Ephrata hơ̆ la Betlehem.”

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mathiơ 1:20

Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Mathiơ 2:23

tus ơm tòm dô nơm ƀòn dờng sơnđan la Nasaret, nàng gơlik di ngan be jơnau ală cau gơnoar hwơr neh đơs lah: “Cau rơp sơnđan Kơnràñ la Cau Nasaret.”

Luka 2:3

Jơh tơl nă lik lòt, kòp nă rê hơ ƀòn tòm, nàng cih sơnđan mat tòm sră.

Luka 2:5

nàng cih sơnđan khai mơ sơnđan Mari, la cau neh ho bau mơ khai, cau hơ̆ gam bun.

Luka 4:16

Kơnràñ lòt tus hơ Nasaret, la tiah Kơnràñ ơm bơh dềt tus di dờng. Jat bơta òs mòng, tòm ngai Saƀat Kơnràñ mut tòm hìu jum cau Juda dê, ñă ntào mơ sền sră.

Jang 1:46

Gen Nathanael đơs lah: “Gơs ñchi lơi niam gơlik bơh Nasaret sơl ơ?” Philip đơs lah: “Tus tĕ sền.”

Jang 7:42

Sră Goh neh đơs lah Bơtau Krist tus bơh jơi bơtiàn Dabit mơ bơh Betlehem, la ƀòn Dabit dê.”

Rutơ 1:19

Behơ̆, bàr nă bol khai kư̆ lòt jơl tus di tŭ tus hơ Betlehem. Tòm tŭ bol khai tus tòm Betlehem gen jơh ală cau tòm ƀòn gơs nggồr nggàc tài bơh bol khai; mơ ală cau ùr đơs lah: “Hơ̆ la Naômi ơ?”

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”

Rutơ 4:11

Gen jơh ală cau kwang kra mơ jơh làng bol ơm di mpồng dờng đơs lah: “Bol hi la cau lơh cơng. Dan Yàng Jehôwa lơh cau ùr rơp mut tòm hìu mê gơlik gơs kung be Racel mơ Lea la bàr nă cau neh bơtào hìu Israel. Dan mê in geh jòng ro tòm Ephrata mơ geh tiơng pơnro tòm Betlehem.

Rutơ 4:17

Ală cau ùr gơp ƀòn đơs lah: “Naômi gơs dô nă kòn.” Mơ bol khai tơmoh sơnđan kòn dềt hơ̆ la Ôbet: Ôbet la bèp Jese, mơ la ồng Dabit dê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 16:4

Samuel lơh jat be Yàng Jehôwa neh sồr, mơ khai neh tus hơ Betlehem, ală cau kwang kra ƀòn hơ̆ rơm să rngòt lòt tus tìp khai mơ đơs lah: “Ồng tus tòm bơta lơngap lơngai sơl?”

I Samuel 17:12

Dabit la kòn klau dô nă cau Ephrat sơnđan la Jese, bơh ƀòn Betlehem tòm Juda. Jese gơs phàm nă kòn klau, mơ tòm pah rài Sol khai neh kra mơ jòng sơnam rau.

I Samuel 17:58

Sol lùp khai lah: “Ơ cau pơnu, mê la kòn ñcau taih?” Dabit ho lah: “Añ la kòn klau cau duh broă bơtau dê la Jese ơm tòm Betlehem.”

I Samuel 20:6

Dilah bèp bi gŏ ò gŏ mat añ, gen đơs tĕ mơ khai lah: ‘Dabit jơh nùs dan mơ añ ai gơnoar khai in rê hơ Betlehem la ƀòn tòm khai dê; tài bơh gơs bơta ơn phan duh khoai kòp nam jơh hìu nhă khai dê tềng hơ̆.’