Luka 19:44 - Sră Goh 2018

⁴⁴ Bol khai rơp tơnlề mê mơ ală kòn sau ơm tòm mê, ò lòi wơl tòm mê pơnai lŭ lơi hơđang pơnai lŭ ndai, bơh mê ò git tơngai mê neh geh còp.”

Luka 19:44 Mawu Ofanana

Đơs Crih 137:9

Lơngai cau lơi in kup ală kòn dềt ai dê, Cèng glơm tơnlề bol khai di lŭ!

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 29:3

Añ rơp bơtào sàl gơrwàng gùt dar tòmdră mơ mê, Añ rơp bơt theng gơrwàng gùt dar mê, mơ bơtào gơs kơ̆ bơta gơrwàng tòmdră mơ mê.

Jeremi 11:23

Rơp ò gơs cau lơi gam wơl bol khai in; bơh tus di sơnam lơh glài, Añ rơp dùh bơta rung rài hơđang cau klau Anatôt.”

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Mathiơ 24:2

Kơnràñ đơs lah: “Bol mê gŏ jơh ală bơta hơ̆ sơl? Di ngan Añ đơs mơ bol mê, rơp ò gơs pơnai lŭ lơi ơm hơđang pơnai lŭ ndai tòm tiah do mơ ò gơtìp tơrlơm.”

Jơnau Niam Jat Mak 13:2

Yàng Jesu ho lah: “Mê gŏ ală hìu dờng do ơ? Rơp ò gơs pơnai lŭ lơi ơm hơđang pơnai lŭ ndai mơ ò gơtơrlơm.”

Luka 1:68

“Jòng ro Yàng la Yàng Tom Trồ Israel dê, Bơh Kơnràñ neh nđàc sền mơ lơh gơs bơta tơwài glài làng bol Kơnràñ dê,

Luka 1:78

Bơh nùs kòñ nđàc Yàng Tom Trồ bol he dê, Mơ Kơnràñ neh ai mattơngai àng drim bơh đang jòng wèt còp bol he,

Luka 19:42

mơ đơs lah: “Kơp kòñ tòm ngai do mê rgơi git ală bơta lơh mê in ring lơngai. Mơya tŭ do mê ò rgơi sền gŏ gơ.

Luka 21:6

“Ală bơta bol mê gŏ tŭ do, tòm ală ngai rơp tus rơp ò gơs pơnai lŭ lơi ơm hơđang pơnai lŭ ndai mơ ò gơtơrlơm.”

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.