Luka 18:7 - Sră Goh 2018

⁷ Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Luka 18:7 Mawu Ofanana

Đơs Crih 88:1

Ơ Yàng Jehôwa, la Yàng Tom Trồ bơta dong klàs añ jê, tòm trồ mang añ rac dan di đap Yàng.

Đơs Crih 9:8

Kơnràñ ai bơta song ring nàng cahrña dunnia, Kơnràñ cahrña ală làng bol dô bă ring bal.

Lik Ejiptơ 22:23

Dilah bol mê lơh behơ̆, mơ bol khai hòi driau tus hơ Añ, gen ngan Añ rơp iat jơnau hòi driau bol khai dê.

Esai 40:27

Ơ Jakôp! Ñchi bơh tài mê đơs, Ơ Israel! Ñchi bơh tài mê yoam lah: “Gùng dà añ jê neh cang ndơp bơh di Yàng Jehôwa, mơ bơta song ring añ jê, ò geh Yàng Tom Trồ añ jê wèt sền ơ”?

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Mathiơ 24:22

Dilah ală ngai hơ̆ ò gơtơnhuc, gen ò gơs kòn mơnus lơi geh dong klàs; mơya tài bơh ală cau geh sac rwah gen ală ngai hơ̆ rơp gơtơnhuc.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 7:11

Behơ̆ dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ, ò ai phan niam ală cau in dan mơ Kơnràñ ò ơ?

Luka 11:13

Dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ ò ai Yàng Hwềng Goh ală cau lơi in dan mơ Kơnràñ ò ơ?”

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Luka 21:28

Tŭ lơi ală bơta hơ̆ rơp gơlik tus, gen ntào tĕ song mơ tơnggòr hơđang, bơh bơta dong tă bol mê dê tus rềp.”

Rôma 8:33

Ñcau rơp yă ală cau Yàng Tom Trồ sac rwah taih? Yàng Tom Trồ la Bơtau kòp bol khai la song ring.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

I Tesalônika 3:10

Ngai mơ mang bol hi jơh nùs hòi dan nàng geh tòmtìp mat mơ oh mi, mơ lơh bềng tơl tòm bơta siơ̆u siar bơta dòn oh mi dê.

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

I Timôthe 5:5

Cau ngan la ùr bơnrau mơ ơm is dô nă khai gen neh gơs nùs gơn kơnòm di Yàng Tom Trồ, ngai mơ mang kư̆ hòi dan, rac dan mơ Yàng.

II Timôthe 1:3

Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

I Pier 1:1

Pier, la cau gơnoar bơto dờng Yàng Jesu Krist dê, pơyoa ală cau geh sac rwah ơm nrah nring in tòm lơgar Pontus, Galati, Kapadôs, Asia mơ Bithini,

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”

Yal Tơlik 7:15

Tài bơh hơ̆ sồng bol khai ơm di đap sơbàn Yàng Tom Trồ dê, ngai mơ mang duh broă Yàng Tom Trồ tòm hìu duh khoai Kơnràñ dê; ai Bơtau nggui hơđang sơbàn rơp jơm gòm bol khai.