Luka 18:1 - Sră Goh 2018

¹ Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Luka 18:1 Mawu Ofanana

Đơs Crih 102:17

Kơnràñ rơp wèt sền jơnau hòi dan cau dồn sa rƀah dê, mơ ò sền òsơp di jơnau rac dan bol khai dê.

Đơs Crih 27:13

Añ dòn ngan lah añ rơp gŏ bơta niam Yàng Jehôwa dê tòm lơgar cau kis dê!

Đơs Crih 65:2

Ơ Bơtau iat jơnau hòi dan, Jơh ală kòn mơnus rơp lòt tus hơ Kơnràñ.

Đơs Crih 86:3

Ơ Yàng! Kơnràñ la Yàng Tom Trồ añ jê, Dan ai añ in bơta nđàc, bơh jơh ngai mho añ hòi dan mơ Yàng.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Esai 62:7

Bañ lòi Kơnràñ ơm rlô jơl tus di tŭ Kơnràñ neh bơt bơtào wơl Jerusalem mơ lơh gơ in gơlik gơs bơta tiơng pơnro làm plai ù.

Jeremi 29:12

Tòm tŭ bol mê hòi Añ, mơ tus mơ hòi dan mơ Añ, Añ rơp dòp jơnau.

Jôna 2:7

tus di ryas ală mơnơm dê. Ù tiah neh til krơ̆ hơđang añ jơl sùm sùm. Mơya, ơ Jehôwa Yàng Tom Trồ añ jê, Kơnràñ neh cèng tơngguh bơta kis añ bơh di trồm jrô.

Luka 11:10

Bơh dilah cau lơi dan gen geh, cau lơi jòi gen bàn, mơ cau lơi teh gen geh pò khai in.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

II Kôrintô 4:1

Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Philip 4:6

Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Kôlôse 4:2

Kơ̆ nùs tĕ tòm bơta hòi dan, ai bơta ưnngài mơ drơng kơp tòm broă hơ̆.

I Tesalônika 5:17

Hòi dan tĕ ò dơh.

I Samuel 1:12

Tòm tŭ khai ơm hòi dan mơ Yàng Jehôwa, Heli sền sơwì bơr khai dê.