Luka 17:3 - Sră Goh 2018

³ Ală bol mê kơrmap gàr tĕ să he. Dilah oh mi mê dê tìs glài gen lah pơrhơng tĕ khai, mơ dilah khai gơjrañ sang glài gen toh glài tĕ khai in.

Luka 17:3 Mawu Ofanana

Đơs Crih 141:5

Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

Lik Ejiptơ 34:12

Kơrhia tĕ, bañ bơtào bơta ho bal mơ cau ơm tòm lơgar mơ mê rơp mut, rngòt bol khai gơlik gơs dô nơm dă digùl bol mê.

Jơnau Pơnđik 17:10

Jơnau lah pơrhơng gơmut jrô tòm cau jak chài, Rlau mơ dô rhiang gai pòng di cau bơrngơl.

Jơnau Pơnđik 27:5

Dô jơnau lah pơrhơng loh làng, niam rlau mơ bơta kòñ gơboh pồn ndơp.

Jơnau Pơnđik 9:8

Bañ lah pơrhơng cau dơñŏ tơnhial, rngòt khai gơjrañ kòn; Lah pơrhơng tĕ cau jak chài, gen khai rơp kòñ gơboh kòn.

Lebi 19:17

Bañ prap tòm nùs bơta gơjrañ kơuềng di oh mi bol mê dê. Ai tĕ nùs song ngan mơ lah pơrhơng cau gơp ƀòn bol mê dê nàng mê rơp ò kong bal mơ khai bơh tồi glài khai dê.

Mathiơ 18:21

Tŭ hơ̆ Pier tus lùp Kơnràñ lah: “Ơ Yàng, dilah oh mi añ tìs glài mơ añ, gen nđò dơ̆ añ toh glài khai in taih? Jơl tus di poh dơ̆ sơl ơ?”

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Ephesô 5:15

Behơ̆ kơrhia tĕ bơh bơta lơh lòt oh mi dê, bañ lơh be cau ò jak chài, mơya lơh be cau jak chài.

Yal Wơl 4:15

Tài bơh bol mê ò gŏ dô nơm rùp să lơi tòm ngai Yàng Jehôwa neh đơs mơ bol mê tòm Hôrep bơh digùl lơmpiat ồs, gen tàng kơrhia hàñ tĕ să tòm bol mê,

Yal Wơl 4:23

Kơrhia hàñ bañ hŭi bơta ho bal Jehôwa Yàng Tom Trồ bol mê dê mơ Kơnràñ neh bơtào gơs mơ bol mê; bañ lơh să tòm bol mê in dô nơm rùp ràk gơlơh kung be phan lơi mơ Jehôwa Yàng Tom Trồ bol mê dê neh bơkơ̆u.

Yal Wơl 4:9

Mìng pal kơrhia mơ sền gàr nền cê să tòm bol mê dê tồ bol mê ò hŭi ală bơta mơ mat bol mê neh sền gŏ, hala sang lòi ală bơta hơ̆ bơh di nùs tồr bol mê tòm jơh rài kis bol mê dê. Bơto ală bơta hơ̆ ală kòn sau bol mê in, mơ ală kòn sau tơnơ̆ mơ bol khai tai.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Jakơ 5:19

Ơ oh mi añ jê, dilah tòm ală oh mi gơs cau lơi tìs nrah ngài mơ jơnau song, mơ gơs cau ndai tề lam khai rê wơl,

II Jang 1:8

Oh mi pal kơrmap gàr tĕ să he, tồ ò roh tơngai broă bol he dê, mơya rơp dòp geh phan ƀàn wil tơl.