Luka 16:2 - Sră Goh 2018

² Gen cau tòm hòi cau hơ̆ mơ lùp lah: ‘Ñchi bơta cau yă mê mơ añ taih? Yal tĕ broă lơh mê dê, bơh mê ò rgơi lơh gơs cau at bồ hìu tai.’

Luka 16:2 Mawu Ofanana

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Mathiơ 12:36

Añ đơs mơ bol mê, tòm ngai cahrña, cau rơp yal wơl kòp jơnau ò kwơ mơ bol khai neh đơs.

Mathiơ 20:8

Tus di mho cau tòm suơn ño đơs mơ cau at bồ hìu lah: ‘Hòi tĕ ală cau lơh ơpah tus mơ ai jền tơngai bol khai in, rơp sơntòm bơh cau lồi dut tus di cau sơnròp.’

Luka 12:20

Mơya Yàng Tom Trồ đơs mơ cau pas sơm hơ̆ lah: ‘Ơ cau bơrngơl gơla! Tòm mang do Añ rơp tă wơl hwềng soàn mê, gen ală phan mơna mơ mê neh rcang prap lòi rơp gơrê mơ ñcau taih?’

Luka 12:42

Yàng đơs lah: “Ñcau la cau at bồ hìu dòn song mơ jak chài, mơ cau tòm bơtào khai sền gàr ală cau tòm hìu, nàng tòmpà bol khai in phan sa di di jơ taih?

Luka 16:1

Yàng Jesu đơs tai mơ ală cau bơtê lah: “Cau pas ne gơs dô nă cau at bồ hìu gơkòl cau yă mơ cau tòmlah: khai neh ngui pròng preh phan mơna cau tòm dê.

Luka 16:3

Cau at bồ hìu đơs is lah: ‘Cau tòm tă gơnoar broă añ jê, ñchi broă añ rơp lơh taih? Pŏ ù gen ò jai, kanadàn gen ƀàssìl.

Rôma 14:12

Behơ̆ kòp nă tòm bol he rơp yal tơlik broă he dê Yàng Tom Trồ in.

I Kôrintô 1:11

Ơ oh mi añ jê, gơs cau tòm hìu Klôe neh yal añ in lah digùl oh mi gơs bơta ò gơtòmsòr bal.

I Kôrintô 4:2

Mơ tai, cau at bồ hìu pal gơs dô bơta, hơ̆ la pal dòn song.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

I Timôthe 4:14

Bañ sang lòi bơta nđàc tòm mê, la bơta nđàc kơnòm di jơnau gơnoar hwơr, mơ bơta ơn tê mpồl cau kra dê neh ai mê in.

I Timôthe 5:24

Gơs tồi glài cau ƀà dê geh ràng tơlik loh làng mơ kong cau cahrña lài, gơs tồi glài cau ƀà dê rơp geh ràng tơlik tơnơ̆.

I Pier 4:10

Kòp nă ai tĕ bơta ai gòi he neh dòp geh nàng duh broă bal mơ gơp, kung be cau at bồ hìu dô bă niam dòn song tòmpà bơta nđàc lìu làc Yàng Tom Trồ dê.

I Pier 4:5

mơya bol khai pal yal broă mơ Bơtau neh rcang sir nàng cahrña cau kis mơ cau chơt.

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.