Luka 12:12 - Sră Goh 2018

¹² tài bơh di di jơ hơ̆ Yàng Hwềng Goh rơp bơto bol mê jơnau bol mê pal đơs.”

Luka 12:12 Mawu Ofanana

Lik Ejiptơ 4:11

Gen Yàng Jehôwa đơs mơ khai lah: “Ñcau neh ai kòn mơnus in gơs bơr taih? Ñcau lơh khai in tĭ hala kloat taih? Ñcau ai khai in sền gŏ hala lơh mat khai in jơngo taih? Ò di la Añ, la Yàng Jehôwa ò ơ?

Lik Ejiptơ 4:12

Behơ̆ tŭ do, lòt tĕ; Añ rơp dong mê tòm tŭ mê đơs, mơ bơto mê ñchi jơnau mê pal đơs.”

Mathiơ 10:19

Mơya tòm tŭ bol khai bơtào bol mê, gen bañ kơlôi rcang mbe lơi hala jơnau lơi bol mê pal đơs. Bơh rơp ai bol mê in ală jơnau pal đơs tòm jơ hơ̆.

Mathiơ 10:20

Bơh ò di bol mê đơs is ò, mơya la Hwềng Yàng Bèp bol mê dê ơm tòm bol mê đơs gơ dê.

Luka 12:13

Gơs dô nă cau tòm mpồl làng bol đơs mơ Yàng Jesu lah: “Ơ Cau Bơto, dan sồr bi añ tòmpà phan jơtài añ in, mơ mè bèp neh lòi wơl bol he in.”

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Broă 4:8

Tŭ hơ̆ Pier bềng lìu Yàng Hwềng Goh mơ đơs lah: “Ơ ală cau kwang làng bol dê mơ ală cau kwang kra,

Broă 6:10

Mơya bol hơ̆ ò rgơi tòmdră mơ bơta jak chài khai dê bal mơ Yàng Hwềng Goh sơl la Bơtau ai khai in ală jơnau đơs hơ̆,

Broă 7:55

Mơya Etien gơs bềng lìu Yàng Hwềng Goh, tơnggòr sền hơđang trồ, gŏ bơta gơklŏ Yàng Tom Trồ dê, mơ Yàng Jesu ntào đah ma Yàng Tom Trồ;