Luka 11:41 - Sră Goh 2018

⁴¹ Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Luka 11:41 Mawu Ofanana

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Đơs Crih 41:1

Lơngai cau lơi in wèt sền di cau rƀah lơòi; Tòm ngai rung rài Yàng Jehôwa dong tă khai.

Jơnau Pơnđik 14:31

Cau rồn bơklơn cau rƀah sền òsơp Bơtau crơng gơs he; Ai cau lơi nđàc sơngit cau rƀah rƀừp sền dờng màng di Kơnràñ.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Mathiơ 26:11

Bơh bol mê gơs cau rƀah lơòi ơm sùm mơ bol mê, mơya bol mê ò gơs Añ ơm sùm mơ bol mê.

Mathiơ 5:42

Cau lơi dan mơ mê, gen ai tĕ; cau lơi kòñ càn mơ mê, gen bañ lơh sềt.”

Jơnau Niam Jat Mak 7:19

Tài bơh phan hơ̆ ò mut tòm nùs cau ò, mơya mut tòm kơndul gơ dê, gen tơlik sang di tiah.” Behơ̆ Yàng Jesu kòñ đơs lah, jơh ală phan sa la goh lơm.

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Luka 16:9

Añ đơs mơ bol mê, ngui tĕ priă jền ò song ring nàng jòi lơh oh mi bơyô, tồ tŭ gơ neh jơh gen bol khai wă rò bol mê mut tòm hìu gam sùm sùm.

Luka 18:22

Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”

Broă 10:15

Jơnau hơ̆ đơs dơ̆ bàr mơ khai lah: “Phan lơi Yàng Tom Trồ neh lơh goh rau gen bañ sền be la ƀơ̆ ƀơl.”

Broă 11:29

Ală cau bơtê lơh nền, kòp nă jat be pràn is he, mơ pơyoa phan dong kòl oh mi in tòm Jude.

Broă 24:17

Tơnơ̆ mơ tŭ oă nam ơm ngài bơh Jerusalem, añ rê wơl tềng hơ̆ cèng priă làng bol añ in, mơ ơn phan duh khoai.

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

Sră Pơyoa Pol Dê Pơyoa Tit In 1:15

Jơh ală bơta la sàng goh gơwèt mơ ală cau sàng goh, mơya ò gơs bơta lơi la sàng goh gơwèt mơ ală cau ƀơ̆ ƀơl mơ cau ò dòn; gơpơrlơ̆ wơl, nùs kơlôi mơ nùs tồr bol khai dê la ƀơ̆ ƀơl lơm.

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.