Luka 11:2 - Sră Goh 2018

² Yàng Jesu đơs lah: “Tòm tŭ bol mê hòi dan, đơs tĕ: ‘Khoai Bèp, sơnđan Bèp gơs sàng goh, lơgar Bèp gơs tus.

Luka 11:2 Mawu Ofanana

I Ală Bơtau 8:43

gen dan Yàng hơđang trồ la tiah Yàng ơm, iat tĕ mơ lơh jat ală bơta cau nac crih rơp hòi dan mơ Yàng; nàng jơh ală làng bol tòm dunnia, đal git sơnđan Yàng, duh rngòt Yàng, tòm toh be làng bol Israel Kơnràñ dê, mơ nàng bol khai rgơi git hơ̆ la sơnđan Yàng geh hòi dan tòm hìu duh khoai do mơ añ neh bơt bơtào.

II Ală Bơtau 19:19

Behơ̆ tŭ do, ơ Jehôwa Yàng Tom Trồ bol hi dê! Dan dong tă bol hi klàs bơh tê Sennacerip, tồ jơh ală lơgar hơđang plai ù git lah mìng dô nă Jehôwa la Yàng Tom Trồ lơm.”

II Yal Yau 20:6

mơ đơs lah: “Ơ Yàng Jehôwa la Yàng Tom Trồ ală ồng pàng bol hi dê, Kơnràñ ò di la Yàng Tom Trồ ơm hơđang trồ ơ? Kơnràñ ò di at bồ hơđang jơh ală lơgar ală làng bol ò ơ? Tòm tê Kơnràñ gơs gơnap gơnoar mơ gơnoar pràn, gen tàng ò gơs cau lơi rgơi ntào jai di đap Kơnràñ.

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Đơs Crih 108:5

Ơ Yàng Tom Trồ, dan Yàng geh yò tơngguh jơnhoa rlau mơ ală tap trồ! Dan bơta gơklŏ Kơnràñ dê geh làm jơh plai ù!

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Đơs Crih 57:11

Ơ Yàng Tom Trồ, dan Yàng geh yò tơngguh jơnhoa hơđang ală tap trồ! Dan bơta gơklŏ Kơnràñ dê geh làm jơh plai ù!

Cau Bơto 5:2

Bañ mhar ir pò bơr, mơ nùs mê bañ sơrbac sơrbang đơs jơnau lơi di đap Yàng Tom Trồ; bơh Yàng Tom Trồ ơm hơđang trồ, ai mê ơm tòm ù. Gen tàng mê pal đơs dô êt jơnau.

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Ejekiel 36:23

Añ rơp lơh sàng goh sơnđan dờng Añ jê, la sơnđan neh gơkòl cau sền òsơp digùl ală làng bol, sơnđan mơ bol mê neh lơh cau sền òsơp digùl bol khai. Gen ală làng bol rơp git Añ la Yàng Jehôwa tòm tŭ añ bơh bol mê mơ ràng tơlik bơta sàng goh Añ jê di đap bol khai, Jehôwa Yàng Tom Trồ đơs behơ̆.

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 7:18

Mơya ală cau sàng goh Bơtau Hơđang Rlau Jơh dê rơp dòp geh lơgar mơ sơmbat kơ̆ lơgar hơ̆ jơl tus sùm sùm ò lồi.’

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Lebi 22:23

Bulah behơ̆, bol mê rgơi ơn dô nơm kơnrồ hala dô nơm belàt pă hala gơs să jan ò niam lơh gơs phan ơn jat nùs kòñ, mơya gơ rơp ò geh dòp lơh gơs phan ơn geh gơlik gơs wil tơl jơnau srat să ho nền.

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

Mathiơ 10:32

Cau lơi yal tơlik Añ di đap cau, gen Añ kung rơp yal tơlik khai di đap Bèp Añ ơm hơđang trồ.

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Luka 11:1

Tòm tŭ Yàng Jesu neh sir hòi dan tòm tiah ne rau. Gen gơs dô nă cau bơtê đơs mơ Kơnràñ lah: “Dan Yàng bơto bol hi hòi dan, kung be Jang neh bơto ală cau bơtê khai dê sơl.”

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

I Kôrintô 1:3

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist.

II Kôrintô 1:2

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê, mơ bơh Yàng Jesu Krist.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Ephesô 1:2

Dan oh mi in geh bơta nđàc, mơ bơta lơngap lơngai, bơh Yàng Tom Trồ la Bèp bol he dê, mơ bơh Yàng Jesu Krist.

Philip 1:2

Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê mơ bơh Yàng Jesu Krist!

Philip 4:20

Dan bơta gơklŏ gơrê mơ Yàng Tom Trồ la Bèp bol he dê sùm sùm ò lồi. Amen.

Kôlôse 1:2

pơyoa ală cau sàng goh in mơ ală oh mi dòn song tòm Bơtau Krist ơm tòm Kôlôse: Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê.

I Tesalônika 1:1

Pol, Silbanus, mơ Timôthe pơyoa Hìu Jum Goh cau Tesalônika in tòm Yàng Tom Trồ la Bèp, mơ tòm Yàng Jesu Krist: Dan oh mi in geh bơta nđàc mơ bơta lơngap lơngai.

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”

Yal Tơlik 19:6

Chòp añ kơno jơnau gơlơh be jơnau dô mpồl bol oă, be jơnau oă dà hòr, mơ be jơnau ntơr kơnàs dờng, đơs lah: “Haleluya! Bơh Yàng la Yàng Tom Trồ bol he dê, la Bơtau Gơnoar Dờng Làm jơh, gơs gơnoar at bồ.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.