Luka 10:7 - Sră Goh 2018

⁷ Kư̆ ơm tĕ tòm hìu hơ̆, sa mơ hùc phan lơi bol khai ai, bơh cau kong bòl glar lơh broă gen di pal geh jền tơngai khai dê; bañ lòt bơh hìu do tus hơ hìu ne.

Luka 10:7 Mawu Ofanana

Khà Làng Bol 18:31

Bol mê mơ ală cau tòm hìu nhă bol mê dê rơp sa pơnah gam wơl gơ dê tiah lơi di lơm, bơh hơ̆ la jền tơngai bol mê dê bơh broă bol mê lơh tòm Sàl Tòm Mat.

Jơnau Niam Jat Mak 6:10

Kơnràñ kung đơs lah: “Hìu lơi bol mê rơp mut gen kư̆ ơm tĕ tềng hơ̆ jơl tus di tŭ ñă lòt.

Luka 10:6

Dilah tềng hơ̆ gơs cau di pal dòp bơta lơngap lơngai, gen bơta lơngap lơngai bol mê neh ai rơp ơm mơ cau; dilah ò behơ̆, gơ rơp rê wơl hơ bol mê.

Luka 9:4

Tòm tŭ bol mê mut tòm hìu lơi, kư̆ ơm tĕ tềng hơ̆, jơl tus di tŭ lik bơh ƀòn hơ̆.

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Broă 16:34

Cau at bồ hìu jàm jà bàr nă ồng guh tòm hìu khai dê mơ rcang yò sào. Khai mơ jơh hìu nhă hòn chò ngan bơh neh dòn Yàng Tom Trồ.

Broă 16:40

Tòm tŭ lik bơh jàm, bàr nă cau gơnoar bơto dờng mut tòm hìu Lidi, còp să mơ bơto pơndòm ală cau dòn, lồc behơ̆ lik lòt.

Galati 6:6

Bulah behơ̆, cau lơi geh cau bơto jơnau niam he in, gen ai tĕ tòm jơh ală phan ngui sa he dê nàng pà bal cau bơto hơ̆ in.

Yal Wơl 12:12

Mơ tềng hơ̆ hòn chò tĕ di đap Jehôwa Yàng Tom Trồ bol mê dê, bol mê, ală kòn klau mơ kòn ùr bol mê dê, ală cau klau cau ùr duh broă bol mê dê, mơ ală cau Lebi bơh di ală ƀòn dờng bol mê dê, la ală cau ò geh tòmpà ù tiah hala sre brê lơh gơs phan tòm bol khai dê.

Yal Wơl 18:8

Khai rơp dòp geh pơnah phan sa ring bal bơh tòm ală phan ơn is bol khai in, ò kòp jền priă neh tac ală phan mơna gơrê bal mơ hìu nhă.

I Timôthe 5:13

Rlau mơ hơ̆ bol khai mòng ơm gòi, lòt bơh hìu do nơu hơ hìu ne; ò di mìng bol khai ơm gòi lơm ò, mơya kung đơs ală jơnau gơtrềng gơtràng cok cek, lơh be tòm tòm broă cau ndai dê, mơ đơs ală bơta ò pal đơs sơl.

II Timôthe 2:6

Cau lơh sre kong bòl glar lơh broă gen pal dòp geh cồng nha sơnròp ngan.