Luka 10:16 - Sră Goh 2018

¹⁶ Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Luka 10:16 Mawu Ofanana

Lik Ejiptơ 16:7

mơ tòm àng drim bol mê rơp gŏ bơta gơklŏ Yàng Jehôwa dê, tài bơh Kơnràñ neh kơno jơnau bol mê yoam Kơnràñ rau. Bol hi la ñcau mơ bol mê yoam tòmdră mơ bol hi taih?”

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Khà Làng Bol 14:11

Yàng Jehôwa đơs mơ Môise lah: “Nđò jŏ làng bol do gam sền òsơp di Añ taih? Nđò jŏ bol khai gam ò bài dòn di Añ bulah Añ neh lơh jơh ală tềl krơi digùl bol khai taih?

Khà Làng Bol 14:2

Jơh ală cau Israel yoam tòmdră mơ Môise mơ Arôn, jơh mpồl jơnum đơs mơ bol khai lah: “Niam rlau la bol hi neh chơt jơh tòm Ejiptơ! Hala tòm ƀlàng ngềt ngơt do!

Khà Làng Bol 16:11

Bơta bol mê mơ jơh ală cau lòt jat bol mê lơh gơs dô bă bal la tòmdră mơ Yàng Jehôwa. Arôn la ñcau mơ bol mê yoam pơrhiat tòmdră mơ khai taih?”

Mathiơ 10:40

“Cau lơi wă rò bol mê, hơ̆ la wă rò Añ, mơ cau lơi wă rò Añ, hơ̆ la wă rò Bơtau neh sồr Añ lòt tus.

Mathiơ 18:5

Ai cau lơi bơh sơnđan Añ mơ wă rò dô nă kơnòm dềt be do, hơ̆ la wă rò Añ.”

Jơnau Niam Jat Mak 9:37

“Cau lơi bơh sơnđan Añ mơ wă rò dô nă cau be kơnòm dềt do, hơ̆ la wă rò Añ. Ai cau lơi wă rò Añ gen ò di la wă rò Añ, mơya la wă rò Bơtau neh sồr Añ lòt tus.”

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Jang 12:44

Yàng Jesu đơs dờng lah: “Cau lơi dòn Añ ò di mìng dòn Añ lơm, mơya dòn Bơtau neh sồr Añ lòt tus.

Jang 12:48

Cau lơi sang Añ mơ ò dòp rò jơnau Añ, gen neh gơs kwang cahrña; jơnau Añ neh đơs rơp cahrña bol khai tòm ngai lồi dut.

Jang 13:20

Di ngan, di ngan, Añ đơs mơ bol mê, cau lơi wă rò cau lơi Añ sồr lòt tus, hơ̆ la wă rò Añ; mơ cau lơi wă rò Añ, hơ̆ la wă rò Bơtau neh sồr Añ lòt tus.”

Broă 5:4

Tòm tŭ òhềt tac sre hơ̆ gen ò di la sre mê dê ò ơ? Tŭ neh tac rau, gen jền tac hơ̆ ò di ơm tòm gơnoar mê dê ò ơ? Ñchi bơh tài mê neh lơh nền jơnau hơ̆ tòm nùs mê dê taih? Jơnau hơ̆ ò di mê đơs blac mơ kòn mơnus, mơya mê đơs blac mơ Yàng Tom Trồ.”

Galati 4:14

bulah poac să añ jê lơh oh mi in tìp bơta ơniai, mơya oh mi ò sền òsơp di añ, kung ò sang lòi añ, mơya wă rò añ kung be dô nă cau gơnrơh Yàng Tom Trồ dê, be să tòm Yàng Krist Jesu.

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.