Luka 1:9 - Sră Goh 2018

⁹ jat bơta òs mòng ală cau gơnoar ơn phan duh khoai khai dê geh sac rwah bơh bơta tĕ khà, gen khai geh mut tòm tiah sàng goh tòm hìu duh khoai Yàng nàng chu kơlhô.

Luka 1:9 Mawu Ofanana

I Yal Yau 23:13

Ală kòn klau Amram dê la Arôn mơ Môise. Arôn neh geh ơn is, khai mơ ală kòn sau khai dê tòm jơh ală rài, geh ơn is ngui ală phan sàng goh rlau jơh nàng ơn ală phan ơn duh khoai di đap Yàng Jehôwa, duh broă di đap Kơnràñ mơ ai lơngai tòm sơnđan Kơnràñ dê gam sùm sùm.

I Yal Yau 6:49

Mơya Arôn mơ ală kòn sau khai dê la ală cau ơn ală phan ơn hơđang cơnòng ơn phan duh khoai chu pơrguc, mơ hơđang cơnòng chu kơlhô bal mơ jơh ală broă ndai neh lơh tòm Tiah Sàng Goh Ngan, ơn phan tơwài glài Israel in, jat be jơh ală bơta mơ Môise cau duh broă Yàng Tom Trồ dê neh sồr.

II Yal Yau 26:16

Mơya tơnơ̆ mơ tŭ Ujia gơlik pràn, bơta pơnhừ să khai dê lơh khai in roh gơprah. Bơh khai ò dòn song mơ Jehôwa Yàng Tom Trồ bol khai dê, mơ mut tòm hìu duh khoai Yàng Jehôwa dê nàng chu kơlhô hơđang cơnòng duh khoai chu kơlhô.

II Yal Yau 29:11

Ơ ală kòn klau añ jê, tŭ do bañ lơh ală alai, bơh Yàng Jehôwa neh sac rwah bol mê nàng ntào di đap Kơnràñ mơ duh broă Kơnràñ, mơ gơlik gơs cau duh broă mơ chu kơlhô Kơnràñ in.”

Khà Làng Bol 16:40

tòm toh jat be Yàng Jehôwa neh kơnòm di Môise mơ sồr khai. Bơta hơ̆ tơngkah cau Israel in lah ò gơs cau lơi rlau mơ kòn sau Arôn rgơi tus mơ chu kơlhô di đap Yàng Jehôwa, rngòt khai rơp gơlik gơs kung be Kôra mơ ală cau jat khai.

Mathiơ 27:5

Gen Juda sơrbì ală pet priă tòm hìu duh khoai, mơ lik lòt yồng ngko.

Hebrơ 9:6

Dơ̆ ală phan hơ̆ neh rcang sir behơ̆ rau, gen ală cau gơnoar ơn phan duh khoai òs lòt sùm tus hơ tiah sơnròp tòm Hìu Ing Duh Khoai nàng duh broă;

I Samuel 2:28

Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.