Luka 1:8 - Sră Goh 2018

⁸ Mơ tai, tòm tŭ Sacari duh broă jat be cau gơnoar ơn phan duh khoai di đap Yàng Tom Trồ mơ di di wềr broă tòm khai dê,

Luka 1:8 Mawu Ofanana

I Yal Yau 24:19

Ală cau hơ̆ bol khai neh bơtào nàng duh broă tòm tŭ bol khai mut tòm hìu Yàng Jehôwa dê, jat be ală bơta sồr lam neh bơtào bol khai in bơh Arôn ồng pàng bol khai dê, jat jơnau Jehôwa Yàng Tom Trồ Israel dê neh sồr khai.

I Yal Yau 24:2

Mơya Nadap mơ Abihu neh chơt lài mơ bèp bol khai dê, mơ bol khai ò gơs kòn klau; behơ̆ Eleajar mơ Ithamar gơlik gơs cau gơnoar ơn phan duh khoai.

II Yal Yau 11:14

Ală cau Lebi kung sang lòi ù tiah bal bol khai dê, mơ tus tòm Juda mơ Jerusalem; tài bơh Jerôbôam mơ ală kòn klau khai dê neh kơryan bol khai bơh bơta duh broă be la cau gơnoar ơn phan duh khoai Yàng Jehôwa dê.

II Yal Yau 31:19

Đah pơnah ală cau gơnoar ơn phan duh khoai la ală kòn sau Arôn neh ơm tòm ală ù tiah gơs ƀlàng sre gơrê bal mơ ală ƀòn dờng, la ală cau geh cih tềl sơnđan mat nàng tòmpà ală pơnah kòp nă cau klau in digùl bol khai, mơ jơh ală cau Lebi neh geh cih sơnđan mat tòm jơi bơtiàn dê.

II Yal Yau 31:2

Ejekia bơtào ală mpồl ală cau gơnoar ơn phan duh khoai mơ ală cau Lebi tòm ală mpồl, kòp nă jat be broă tòm bol khai dê la cau gơnoar ơn phan duh khoai hala cau Lebi nàng ơn ală phan ơn chu pơrguc mơ ală phan ơn bơta ring lơngai, nàng duh broă di mpồng sàl Yàng Jehôwa dê mơ nàng ưnngài mơ jòng ro.

II Yal Yau 8:14

Jat be bơta lơh nền Dabit bèp khai dê, khai pồ bơtào ală bơnòr cau gơnoar ơn phan duh khoai jat broă tòm bol khai dê, mơ ală cau Lebi nàng lam bồ bơta jòng ro mơ gơnoar broă ală cau gơnoar ơn phan duh khoai jat be broă pal lơh kòp ngai, mơ ală mpồl cau kơp gàr ală mpồng jat kòp mpồl bol khai dê tòm kòp nơm mpồng, tài bơh hơ̆ la bơta mơ Dabit cau Yàng Tom Trồ dê neh ai jơnau sồr.

Ejra 6:18

Mơ bol khai jào ală cau gơnoar ơn phan duh khoai jat mpồl bol khai dê mơ ală cau Lebi in jat tap sèng ală mpồl bol khai dê nàng duh broă Yàng Tom Trồ tòm Jerusalem, jat be neh cih tòm sră Môise dê.

Lik Ejiptơ 28:1

Sồr tĕ Arôn bi mê tus hơ mê bơh digùl cau Israel bal mơ ală kòn klau khai dê la Nađap, Abihu, Eleasa, mơ Ithamar, nàng bol khai gơs ală cau gơnoar ơn phan duh khoai duh broă Añ.

Lik Ejiptơ 28:41

Tơnơ̆ mơ tŭ mê neh tơnsoh ală ồi ào do Arôn bi mê bal mơ ală kòn klau khai dê gen bong tĕ mơñà bol khai in, mơ pồ bơtào tĕ bol khai. Ơn is tĕ bol khai nàng lơh gơs ală cau gơnoar ơn phan duh khoai duh broă Añ.

Lik Ejiptơ 29:1

Do la bơta mê pal lơh nàng pồ bơtào Arôn mơ ală kòn klau khai dê nàng bol khai lơh gơs ală cau gơnoar ơn phan duh khoai duh broă Añ. Kup tĕ dô nơm kơnrồ dam mơ bàr nơm belàt dam ò tềl sồt rmàñ.

Lik Ejiptơ 29:44

Behơ̆ Añ rơp ơn is sàng goh Sàl Tòm Mat bal mơ cơnòng duh khoai; kung rơp ơn is sàng goh Arôn mơ ală kòn klau khai dê tai sơl, nàng bol khai lơh gơs cau gơnoar ơn phan duh khoai duh broă di đap Añ.

Lik Ejiptơ 29:9

mơ tơndau tĕ sơgơn di bồ bol khai. Lồc behơ̆ kơt tĕ che but Arôn in mơ ală kòn klau khai in sơl. Gơnoar ơn phan duh khoai rơp gơrê bal mơ bol khai jat dô bơta sồr lam gam sùm sùm. Mê pal pồ bơtào Arôn mơ ală kòn klau khai behơ̆.

Lik Ejiptơ 30:30

Bong mơñà tĕ Arôn in mơ ală kòn klau khai dê, ơn is bol khai gơlik sàng goh nàng bol khai lơh gơs ală cau gơnoar ơn phan duh khoai duh broă Añ jê.

Khà Làng Bol 18:7

Mơya mìng mê mơ ală kòn klau mê pal ngac ngar lơh broă cau gơnoar ơn phan duh khoai dê tòm jơh ală broă gơrê bal mơ cơnòng ơn phan duh khoai mơ pơnah đah ngkòi bài kơrnìng. Añ ai mê in broă lơh cau gơnoar ơn phan duh khoai dê be dô nơm phan pà. Cau lơi ndai tus rềp di tiah sàng goh pal kong tơnchơt.”

Luka 1:5

Tòm rài Herôt, bơtau Jude, gơs dô nă cau gơnoar ơn phan duh khoai, mpồl Abija dê, sơnđan la Sacari; bau ùr khai la Elisabet, kòn sau Arôn.

Luka 1:7

Bol khai ò gơs kòn, bơh Elisabet kơnền, mơ bàr nă neh jòng sơnam.