Luka 1:32 - Sră Goh 2018

³² Kòn klau hơ̆ rơp la dờng ryŭ, geh sơnđan la Kòn Bơtau Hơđang Rlau Jơh dê, Yàng la Yàng Tom Trồ rơp ai Kơnràñ in sơbàn Dabit la ồng pàng Kơnràñ dê.

Luka 1:32 Mawu Ofanana

II Samuel 7:16

Hìu mê mơ lơgar bơtau mê dê rơp geh bơtào kơ̆ nền gam sùm sùm di đap mê; sơbàn mê rơp geh bơtào kơ̆ gam sùm sùm.’”

Đơs Crih 132:11

Yàng Jehôwa neh srat să ho nền mơ Dabit, Kơnràñ rơp ò tŭ lơi tòmgơl, mơ đơs lah: “Añ rơp ơn hơđang sơbàn mê dê dô nă kòn tòm mê dê.

Đơs Crih 132:12

Dilah kòn sau mê dê prap gàr bơta ho bal Añ jê, Mơ ală jơnau sồr kràñ cê mơ Añ rơp bơto bol khai, Gen kòn sau bol khai dê kung rơp nggui hơđang sơbàn mê dê jơl sùm sùm.”

Esai 16:5

Gen dô nơm sơbàn rơp geh bơt bơtào tòm bơta kòñ gơboh kơ̆ dơn tòm sàl Dabit dê, bơta dòn song rơp nggui hơđang hơ̆, dô nă cau at bồ rơp jòi bơta song ring mơ sơrbac sơrbang lơh bơta di ngan.

Jeremi 17:25

gen ală cau bơtau mơ ală cau kwang at bồ nggui hơđang sơbàn Dabit, rơp hào rơndeh, hào ơseh, bal mơ ală cau kwang at bồ cau Juda, bal mơ làng bol Jerusalem bơh mpồng theng hơ̆ mơ mut; mơ ƀòn dờng hơ̆ rơp gam wơl sùm sùm.

Jeremi 22:2

mơ đơs lah: ‘Ơ bơtau Juda dê, nggui hơđang sơbàn Dabit, mê bal mơ dĭ gơna mê mơ làng bol mê mut tòm ală mpồng do, iat tĕ jơnau Yàng Jehôwa dê!’

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Mathiơ 1:1

Sơnđan ală ồng pàng Yàng Jesu Krist dê, kòn sau Dabit, kòn sau Abraham dê.

Mathiơ 12:42

Tòm ngai cahrña, bơtau ùr đah đơm rơp ñă ntào mơ jơi bơtiàn do mơ lơh nền glài bol khai, bơh khai bơh kơndòl plai ù lòt tus nàng iat bơta jak chài Salômôn dê, mơ do gơs dô nă Cau dờng rlau mơ Salômôn!”

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Jơnau Niam Jat Mak 14:61

Mơya Yàng Jesu ơm mŏ mŏ, ò ho dô jơnau lơi. Cau gơnoar dờng lam bồ ơn phan duh khoai lùp tai lah: “Mê ngan la Bơtau Krist, Kòn Bơtau pal jòng ro sơl?”

Jơnau Niam Jat Mak 5:7

mơ hòi driau dờng lah: “Ơ Yàng Jesu, Kòn Yàng Tom Trồ Hơđang Rlau Jơh, gơs ñchi jơnau digùl añ mơ Kơnràñ taih? Añ ai sơnđan Yàng Tom Trồ nàng rac dan mơ Kơnràñ dan bañ lơh bòl glar di añ.”

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Luka 3:16

gen Jang ho mơ tơl nă cau lah: “Añ lơh ƀaptem bol mê in mơ dà, mơya gơs dô Bơtau rơp tus gơs gơnoar pràn rlau mơ añ, añ ò pal hồ che gơltau jă Kơnràñ dê; Kơnàñ rơp lơh ƀaptem bol mê in mơ Yàng Hwềng Goh mơ ồs.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Jang 6:69

Bol hi neh dòn mơ git lah, Kơnràñ la Bơtau sàng goh Yàng Tom Trồ dê.”

Broă 16:17

Khai jat Pol mơ bol hi, hòi driau lah: “Ală cau do la dĭ gơna Yàng Tom Trồ Hơđang Rlau Jơh dê, bơto yal bol mê in bơta dong klàs.”

Broă 2:30

Mơ bơh khai la cau gơnoar hwơr, mơ git Yàng Tom Trồ neh ho nền lah rơp ai dô Bơtau tòm jơi bơtiàn khai nggui hơđang sơbàn khai dê,

Broă 2:36

Behơ̆, jơh hìu Israel git tĕ nền lah Jesu do, la Bơtau ală oh mi neh pơng di chi pơng, gen Yàng Tom Trồ neh bơtào lơh gơs Yàng mơ Bơtau Krist.”

Broă 7:48

Mơya Bơtau Hơđang Rlau Jơh ò ơm tòm hìu bơh tê cau lơh gơs ò, be jơnau cau gơnoar hwơr neh đơs:

Rôma 1:4

jat hwềng bơta sàng goh dê, Kơnràñ geh ràng tơlik tòm gơnap gơnoar dờng ngan, geh kòp la Kòn Yàng Tom Trồ dê tòm bơta kis wơl bơh bơta chơt.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò: