Luka 1:16 - Sră Goh 2018

¹⁶ Khai rơp lam oă kòn sau Israel rê wơl hơ Yàng la Yàng Tom Trồ bol khai dê;

Luka 1:16 Mawu Ofanana

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Mathiơ 21:32

Bơh Jang neh tus sơnio gùng song ring bol mê in, mơya bol mê ò dòn khai; ai ală cau dar dia mơ ală cau dri tơlàr neh dòn khai; bulah bol mê neh gŏ bơta hơ̆, mơ kung ò gơjrañ sang glài nàng dòn khai sơl.”

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Luka 3:3

Khai lòt làm tiah gùt dar Jordan, bơto yal bơta ƀaptem bơh bơta gơjrañ sang glài nàng geh toh glài,