Luka 1:13 - Sră Goh 2018

¹³ Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Luka 1:13 Mawu Ofanana

Sơnròp Gơlik Gơs 17:10

Do la bơta ho bal Añ jê mơ rơp prap gàr digùl Añ mơ mê mơ ală jơi bơtiàn tơnơ̆ mê tai, hơ̆ la kòp nă cau klau pal rơp siat gơltau.

Sơnròp Gơlik Gơs 17:19

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Sơnròp Gơlik Gơs 18:14

Gơs bơta lơi Yàng Jehôwa ò rgơi lơh sơl ơ? Tus di kơnhai neh pơgon, Añ rơp rê wơl hơ mê, mơ Sara rơp gơs dô nă kòn klau.”

Sơnròp Gơlik Gơs 25:21

Isak hòi dan mơ Yàng Jehôwa bau khai in bơh khai kơnền. Yàng Jehôwa kơno jơnau hòi dan hơ̆ gen ai Rebeka in bun.

Đơs Crih 113:9

Kơnràñ ai cau ùr kơnền in dô nơm hìu, Lơh khai in gơlik gơs mè hòn chò bơh ală kòn khai dê. Jòng ro Yàng Jehôwa!

Đơs Crih 118:21

Añ ưnngài Yàng bơh Yàng neh ho jơnau añ, Mơ gơlik gơs bơta dong klàs añ jê.

Esai 8:3

Gen añ lòt tus hơ cau gơnoar hwơr ùr; khai bun mơ deh dô nă kòn klau. Gen Yàng Jehôwa đơs mơ añ lah: “Tơmoh sơnđan tĕ khai la Maher Salal Hasbas;

Daniel 10:12

Gen khai đơs pơnjat tai lah: “Ơ Daniel, bañ rngòt, tài bơh di ngai sơnròp mơ mê neh jơh nùs jòi jat nàng git wă, mơ pơndêt să mê di đap Yàng Tom Trồ mê dê, gen ală jơnau mê dê neh geh kơno, mơ añ neh lòt tus nàng ho wơl mê in.

Sră Ôse 1:4

Gen Yàng Jehôwa đơs mơ khai lah: “Tơmoh tĕ sơnđan khai la Jejreel tài bơh gam dô êt jŏ tai gen Añ rơp lơh glài hìu nhă Jehu tài bơh bơta gơhòr mhàm tòm Jejreel, mơ Añ rơp tơnlồi lơgar bơtau Israel.”

Sră Ôse 1:6

Gômer bun tai mơ deh dô nă kòn ùr. Yàng Jehôwa đơs mơ Ôse lah: “Tơmoh tĕ sơnđan khai la Lôruhamah, tài bơh Añ rơp ò yal tơlik bơta kòñ gơboh dê làng bol Israel tai, mơ kung ò tai toh glài bol khai in!

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Mathiơ 14:27

Yàng Jesu đơs mo mơ bol khai lah: “Kơ̆ tĕ nùs; Añ do, bañ rngòt.”

Mathiơ 28:5

Gen cau gơnrơh đơs mơ ală cau ùr hơ̆ lah: “Bañ rngòt, bơh añ git bol ai jòi Yàng Jesu, Bơtau neh kong pơng di chi pơng.

Jơnau Niam Jat Mak 16:6

Cau hơ̆ đơs mơ bol khai lah: “Bañ rngòt, bol ai jòi Yàng Jesu Cau Nasaret, la Bơtau neh kong pơng di chi pơng. Kơnràñ neh kis wơl rau, ò ơm tềng do tai. Sền tĕ tiah neh tơp Kơnràñ.

Luka 1:14

Mê rơp geh hòn chò hừh hơh, mơ oă cau rơp hòn chò tòm tŭ deh khai.

Luka 1:30

Gen cau gơnrơh đơs lah: “Ơ Mari, bañ rngòt, bơh ai neh geh nđàc di đap Yàng Tom Trồ.

Luka 2:21

Tơl phàm ngai rau, gen pal siat gơltau kòn dềt in, mơ tơmoh sơnđan la Jesu, hơ̆ la sơnđan cau gơnrơh neh tơmoh lài mơ tŭ bun Kơnràñ tòm kơndul mè.

Broă 10:31

mơ đơs lah: ‘Ơ Kornai, jơnau hòi dan mê dê neh geh kơno rau, bơta pà gòi mê dê neh geh Yàng Tom Trồ cih kah.

Ală Kwang Cahrña 6:23

Mơya Yàng Jehôwa đơs mơ khai lah: “Kơ̆ tĕ nùs, bañ rngòt, mê rơp ò chơt.”

I Samuel 2:21

Yàng Jehôwa kah tus di Anne, khai bun mơ deh pe nă kòn klau mơ bàr nă kòn ùr. Mơ kơnòm dềt Samuel rhòi dờng di đap Yàng Jehôwa.