Lebi 8:12 - Sră Goh 2018

¹² Khai tuh dô êt mơñà ơn is bong hơđang bồ Arôn nàng ơn is khai sàng goh.

Lebi 8:12 Mawu Ofanana

Đơs Crih 133:2

Bơta hơ̆ be mơñà kas màng tuh hơđang bồ, Gơhòr mù di sơnò tềp, hơ̆ la sơnò tềp Arôn dê, Gơhòr tus di ngko ào khai dê.

Lik Ejiptơ 28:41

Tơnơ̆ mơ tŭ mê neh tơnsoh ală ồi ào do Arôn bi mê bal mơ ală kòn klau khai dê gen bong tĕ mơñà bol khai in, mơ pồ bơtào tĕ bol khai. Ơn is tĕ bol khai nàng lơh gơs ală cau gơnoar ơn phan duh khoai duh broă Añ.

Lik Ejiptơ 29:7

Ai tĕ mơñà ơn is nàng bong mơ tuh hơđang bồ khai dê.

Lik Ejiptơ 30:30

Bong mơñà tĕ Arôn in mơ ală kòn klau khai dê, ơn is bol khai gơlik sàng goh nàng bol khai lơh gơs ală cau gơnoar ơn phan duh khoai duh broă Añ jê.

Lebi 10:7

Bañ lik bơh di mpồng mut tòm Sàl Tòm Mat rngòt bol mê rơp chơt, tài bơh mơñà bong Yàng Jehôwa dê gơ neh ơm hơđang bol mê.” Behơ̆ bol khai lơh jat be jơnau Môise neh đơs.

Lebi 4:3

Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs.

Lebi 7:36

Tòm ngai bol khai geh bong mơñà, Yàng Jehôwa neh ai jơnau sồr cau Israel pal ai phan hơ̆ bol khai in lơh gơs pơnah òs ơn bol khai in bơh rài do tus di rài rơp tus.”

Lebi 8:30

Gen Môise ai dô êt mơñà ngui nàng bong mơ dô êt mhàm bơh di cơnòng duh khoai mơ rsìh gơ hơđang Arôn mơ ală ồi ào khai dê mơ hơđang ală kòn klau bal mơ ồi ào bol khai dê. Behơ̆ khai neh ơn is sàng goh Arôn mơ ồi ào khai dê mơ ală kòn klau bal mơ ală ồi ào bol khai dê.