Lebi 7:5 - Sră Goh 2018

⁵ Cau gơnoar ơn phan duh khoai pal chu jơh ală phan hơ̆ hơđang cơnòng duh khoai lơh gơs dô nơm phan ơn chu mơ ồs ơn Yàng Jehôwa in. Hơ̆ la phan ơn tơwài glài gơtup tìs.

Lebi 7:5 Mawu Ofanana

Lebi 1:13

Khai pal ai dà mơ rào jơh ală phan tòm dơlam bal mơ jơng gơ, mơ cau gơnoar ơn phan duh khoai pal cèng jơh ală phan hơ̆ mơ chu hơđang cơnòng duh khoai. Hơ̆ la dô nơm phan ơn chu pơrguc, dô nơm phan chu mơ ồs, gơs ƀô bơlhu niam nùs Yàng Jehôwa.

Lebi 1:9

Khai pal ai dà mơ rào ală pơnah tòm dơlam kơnrồ bal mơ ală jơng gơ dê, mơ cau gơnoar ơn phan duh khoai pal chu jơh ală phan hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu tòm ồs, gơs ƀô bơlhu niam nùs Yàng Jehôwa.

Lebi 2:16

Cau gơnoar ơn phan duh khoai rơp chu pơnah kòi neh piah mơ mơñà, bal mơ jơh kơlhô, lơh gơs dô nơm phan ơn chu mơ ồs ơn Yàng Jehôwa in.

Lebi 2:2

Mơ cèng gơ tus hơ ală kòn klau Arôn dê la ală cau gơnoar ơn phan duh khoai. Cau gơnoar ơn phan duh khoai ai dô sơmbat kơmbuh phe mơ mơñà bal mơ jơh kơlhô mơ chu phan hơ̆ lơh gơs dô pơnah lòi kirsơnre hơđang cơnòng duh khoai, dô nơm phan ơn chu mơ ồs. Hơ̆ la dô nơm phan ƀô bơlhu niam nùs Yàng Tom Trồ.

Lebi 2:9

Cau gơnoar ơn phan duh khoai rơp tă dô pơnah lòi kah kirsơnre bơh di phan ơn nàng ơn Yàng Jehôwa in, mơ chu gơ hơđang cơnòng duh khoai lơh gơs dô nơm phan ơn chu mơ ồs, gơs ƀô bơlhu niam nùs Yàng Jehôwa.

Lebi 3:16

Cau gơnoar ơn phan duh khoai rơp chu ală phan hơ̆ hơđang cơnòng duh khoai lơh gơs phan sa, hơ̆ la dô nơm phan ơn chu tòm ồs, gơs ƀô bơlhu. Jơh ală dơngi gơrê mơ Yàng Jehôwa.

Lebi 3:3

Bơh di phan ơn ring lơngai, khai pal cèng ơn Yàng Jehôwa in dô nơm phan ơn chu mơ ồs, hơ̆ la jơh ală dơngi gòm klòm ală pơnah tòm dơlam hala gơđềt bal mơ gơ,

Lebi 5:7

Mơya dilah khai ò rgơi tơl pràn nàng ơn dô nơm belàt kòn hala be kòn, khai pal cèng tus hơ Yàng Jehôwa bơh bơta tơm tồi glài khai dê, bàr nơm sềm ntòp hala bàr nơm kòn ntòp hui: dô nơm lơh gơs phan ơn tơwài glài mơ dô nơm lơh gơs phan ơn chu pơrguc.

Lebi 7:4

bàr nơm leh bal mơ dơngi hơđang gơ rềp di but, dô blah poac lơho jơm klòm neh tă bal mơ ală leh.

Lebi 7:6

Jơh cau klau tòm hìu nhă cau gơnoar ơn phan duh khoai rgơi sa gơ, mơya pal sa tòm dô bă tiah sàng goh, hơ̆ la phan sàng goh rlau jơh.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.