Lebi 7:2 - Sră Goh 2018

² Phan ơn tơwài glài gơtup tìs pal hàl tơnchơt tòm dô bă tiah mơ phan ơn chu pơrguc neh hàl tơnchơt, mơ mhàm gơ pal rsìh di cơnòng duh khoai hơđang kòp đah.

Lebi 7:2 Mawu Ofanana

Esai 52:15

Behơ̆, Kơnràñ rơp lơh oă lơgar nrơt nrơl bơh Kơnràñ. Ală bơtau rơp tơmềm bơr bơh Kơnràñ, bơh bol khai rơp gŏ bơta òhềt gơs cau yal bol khai in, mơ bol khai rơp sền gŏ loh làng bơta bol khai òhềt kơno.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 40:39

Tòm ƀlàng rơng gùng mpồng pơnggàr dê gơs bàr nơm cơnòng ơn phan tòm kòp đah, hơđang hơ̆ cau sreh tơnchơt ală phan ơn duh khoai chu pơrguc, ală phan ơn duh khoai tơwài glài bơta gơtup tìs mơ ală phan ơn duh khoai tơwài glài.

Lebi 1:11

Khai pal tơnchơt gơ di đah đang cơnòng duh khoai di đap Yàng Jehôwa, mơ ală kòn klau Arôn dê la ală cau gơnoar ơn phan duh khoai rơp rsìh mhàm gơ di jơh ală gah cơnòng duh khoai dê,

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 1:5

Khai pal tơnchơt kơnrồ dam hơ̆ di đap Yàng Jehôwa, lồc behơ̆ ală kòn klau Arôn dê la ală cau gơnoar ơn phan duh khoai ai mhàm mơ rsìh gơ di jơh ală gah cơnòng duh khoai di tiah mut lik Sàl Tòm Mat dê.

Lebi 14:13

Khai pal hàl tơnchơt belàt kòn tòm tiah sàng goh la tiah hàl tơnchơt phan ơn tơwài glài mơ phan ơn chu pơrguc. Kung be phan ơn tơwài glài, phan ơn tơwài glài bơta gơtup tìs gơrê hơ cau gơnoar ơn phan duh khoai; gơ la sàng goh rlau jơh.

Lebi 3:2

Khai rơp ơn tê khai dê hơđang bồ phan ơn khai dê mơ tơnchơt gơ di tiah mut Sàl Tòm Mat. Gen ală kòn klau Arôn dê la ală cau gơnoar ơn phan duh khoai rơp rsìh mhàm hơđang cơnòng duh khoai di ală đah.

Lebi 3:8

Khai pal ơn tê khai dê hơđang bồ phan ơn hơ̆ mơ tơnchơt gơ di đap Sàl Tòm Mat. Gen ală kòn klau Arôn dê rsìh mhàm gơ di cơnòng duh khoai hơđang kòp đah.

Lebi 4:24

Khai pal ơn tê khai dê hơđang bồ be dam mơ tơnchơt gơ di tiah lơh poac phan ơn chu pơrguc di đap Yàng Jehôwa. Hơ̆ la phan ơn tơwài glài.

Lebi 4:29

Khai pal ơn tê khai dê hơđang bồ phan ơn tơwài glài mơ tơnchơt gơ di tiah lơh poac phan ơn chu pơrguc.

Lebi 4:33

Khai pal ơn tê khai dê hơđang bồ gơ mơ tơnchơt gơlơh gơs phan ơn tơwài glài di tiah lơh poac phan ơn chu pơrguc.

Lebi 5:16

Khai pal tơm wơl bơta khai neh ò lơh tơl gơwèt hơ ală phan sàng goh, bơtơl tai dô pơnah pram bơta kas màng gơ dê mơ ai jơh cau gơnoar ơn phan duh khoai in, mơ cau gơnoar ơn phan duh khoai ngui belàt dam hơ̆ lơh gơs phan ơn tơwài glài nàng tơwài glài cau hơ̆ in bơh tồi glài mơ khai neh tìs, mơ khai rơp geh toh glài.

Lebi 5:7

Mơya dilah khai ò rgơi tơl pràn nàng ơn dô nơm belàt kòn hala be kòn, khai pal cèng tus hơ Yàng Jehôwa bơh bơta tơm tồi glài khai dê, bàr nơm sềm ntòp hala bàr nơm kòn ntòp hui: dô nơm lơh gơs phan ơn tơwài glài mơ dô nơm lơh gơs phan ơn chu pơrguc.

Lebi 5:9

mơ rơp rsìh dô êt mhàm phan ơn tơwài glài dê di gah cơnòng duh khoai; mhàm gam wơl pal tuh jơh di jơng cơnòng duh khoai. Hơ̆ la phan ơn tơwài glài.

Lebi 6:25

“Đơs tĕ mơ Arôn mơ ală kòn klau khai dê: Do la ală sơnoa rnoas bơh phan ơn tơwài glài: Phan ơn tơwài glài pal hàl tơnchơt di đap Yàng Jehôwa di tiah phan ơn chu pơrguc kong hàl tơnchơt; gơ la phan ơn sàng goh rlau jơh.

Lebi 6:7

Cau gơnoar ơn phan duh khoai rơp lơh gơs bơta tơwài glài khai in di đap Yàng Jehôwa, mơ khai rơp geh toh glài bơh bơta lơi tòm ală bơta neh lơh khai in tìs glài.”

Khà Làng Bol 6:12

Khai pal ơn is sàng goh să tòm khai dê Yàng Jehôwa in tòm pah tơngai ơn is mơ pal cèng dô nơm belàt dam dô nam nàng lơh gơs phan ơn tơwài bơta tìs glài. Ală ngai lài mơ hơ̆ gen ò gŏ kòp, tài bơh khai neh gơlik gơs ƀơ̆ ƀơl tòm pah tơngai khai geh ơn is.

Hebrơ 11:28

Bơh bơta dòn khai bơtào gơs bơta pơjum sa Lòt Gan mơ bơta rsìh mhàm, nàng cau gơnrơh tơnroh kòn tơnhoa ò tup di cau Israel.

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.