Lebi 6:3 - Sră Goh 2018

³ hala khai bàn phan mơna cau neh lơh roh mơ đơs blac bơh phan hơ̆, hala dilah khai srat să ma blac; dilah khai lơh tìs bơta lơi tòm ală bơta behơ̆,

Lebi 6:3 Mawu Ofanana

Lik Ejiptơ 23:4

Dilah bol mê tìp kơnrồ hala alàng cau sò tơm bol mê dê lòt tìs nrah, gen bol mê pal tề gơ wơl khai in.

Lik Ejiptơ 28:42

Jing tĕ bol khai in srồmpha mơ bài che dơmài lơbơn nàng jơm să jan bơh but tus di bơnô.

Jơnau Pơnđik 24:28

Bañ lơh cơng tòmdră mơ cau ơm rềp mơ he ò bồ, bañ ai bơr sơndồi kòn lơh blac pơrlồm.

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ejekiel 44:19

Tòm tŭ bol khai lik di ƀlàng bơdìh la tiah gơs mat làng bol, bol khai pal hồ ồi ào mơ bol khai neh soh tòm tŭ duh broă tòm dơlam mơ lòi bol gơtòm ală ơdŭ ơn is sàng goh, mơ bol khai soh ală ồi ào ndai, tồ bol khai ò lơh làng bol in gơs sàng goh tài bơh ală ồi ào bol khai dê.

Lebi 1:16

Khai pal tă klung gơ bal mơ ală phan tòm dơlam klung gơ mơ sang jơh hơ đah mattơngai lik cơnòng duh khoai dê la tiah gơs bùh.

Lebi 16:4

Khai pal soh ào jrùh mơ brài che dơmài neh ơn is sàng goh, soh srồmpha liah đah dơlam mơ che dơmài; khai pal kơt che but mơ brài che dơmài gùt dar wĕ khai mơ kơt bồ mơ bài che dơmài. Hơ̆ la ală ồi ào ơn is sàng goh; behơ̆ khai pal um să khai mơ dà lài mơ tŭ khai soh ală ồi ào hơ̆.

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Sacari 5:4

Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.